Нұр-Сұлтан, BAQ.KZ. 12 қаңтарда сағат 22:30-да Талас ауданының полиция бөліміне Үшарал ауылының маңындағы жайылымнан отармен бірге 25 жастағы қойшы жоғалғаны туралы хабарлама келіп түсті.
Оқиға орнына келген полицейлер шопанның таңғы сағат 6.00-де қой табынын жайылымға шығарып, белгіленген уақытта қайтып оралмағанын анықтады.
Полиция қызметкерлері 6 автокөлікпен шопанды іздеуге шұғыл аттанды және жайылымнан 45 шақырым жерде оны отармен (600 қой) бірге тапты.
Қойшы кенеттен жауған қалың қар мен тұманның салдарынан адасып, мал қораға жете алмаған.
