Нұр-Сұлтан, BAQ.KZ. Бүгін таңғы сағат 9:00-ден бері зейнетақы төлемдерін алуға 6000-нан астам қазақстандық өтінім беріп үлгерді.
Enpf-otbasy.kz онлайн-платформасы жұмысының 4 сағаты ішінде біржолғы зейнетақы төлемдерін алуға 6000-нан астам қазақстандық өтінім берді, - деп жазды «Отбасы банк».
Банк бөлімшесіне барудың қажеті жоқ, барлық өтінімдер онлайн түрде қабылданады.
Қазақстандықтар арасында келесі мақсаттары ерекше танымал:
- ипотекалық қарызды өтеу;
- тұрғын үйді толық сатып алу;
- жақын туыстарыңызға зейнетақы жинақтарын табыстау;
- Отбасы банкінде ипотекалық қарызды тиімді шарттармен рәсімдеу.
Естеріңізге сала кетейік, біржолғы зейнетақы төлемдерін алу бойынша онлайн-платформамен жұмыс істеу кезінде сізге nclayer сертификаттарын орнату қажет. Сертификаттарды Pki.gov.kz сайттында орнатуға болады.
Зейнетақы жинақтарын алу бойынша барлық іс-шаралар тек компьютерден ғана қолжетімді болатынын есте ұстаған жөн.
