Нұр-Сұлтан, BAQ.KZ. Вирус мутацияға жиі ұшырайды, яғни жаңа жағдайларға тез бейімделеді. Сондықтан коронавирустың әрбір жаңа мутациясы оны күшейтеді, деп санайды медицина ғылымдарының кандидаты, ҚДСЖМ Қазақстан медицина университетінің эпидемиология және медицина кафедрасының доценті Рафаиль Қыпшақбаев.
Сарапшы вакцинация ондаған жылдар бойы адамзатты індеттен құтқарып келе жатқанын еске салды. Сондықтан коронавирус та екпені талап етеді. Оның пікірінше, егер халықты жылдам вакцинацияламаса, бұл вирустың жаңа формаларының пайда болуына қолайлы жағдай туғызады.Вирус жиі мутацияға ұшырайды. Вирус – бұл ақуыз қабығымен жабылған жасушадан тыс тіршілік формасы, сондықтан өмір сүру үшін оған бейімделу керек. Өкінішке қарай, ол тезірек бейімделеді және әр жаңа мутация оның одан әрі күшеюіне ықпал етеді. Бұл инфекция тез жұғып, ауру кезінде ол жиі өзгереді. Осы фактіні ескере отырып, вакцинацияланған адамдардың вирустан қорғалғандығын айта кету керек. Вакцинацияланған адамның иммундық жүйесі вируспен күресуге дайын. Егер адам жай ауырып, антиденелердің болуына үміт артса, онда ауру жеңіл және асимптоматикалық түрде өтеді, алайда кейбірі жасанды өкпе желдеткішіне (ИВЛ) жалғанып, оның арты өліммен аяқталуы мүмкін, - дейді Рафаиль Қыпшақбаев.
