Үлкен Алматы көліне жеке автокөліктердің өтуіне тыйым салынды, деп хабарлайды BAQ.KZ.
Жол қозғалысына қатысушылардың қауіпсіздігін қамтамасыз етіп, тәртіп пен тазалықты сақтау мақсатымен Р-22 «Алматы-Космостанция» күре жолында (15-34 шақырымдары аралығы) көлік қозғалысына шектеу енгізілді.
Қызметтік міндеттемелерді орындау үшін жүріп өтуге рұқсат етіледі (бекітілген тізімге сәйкес және тек қызметтік автокөлікпен):
Ұлттық саябақ қызметі,
шекара заставасы,
«Космостанция» ғылыми базасы,
метеорологиялық және гидрологиялық қызметтер,
Алматы қаласының туризм басқармасы.
Айта кету керек, осыдан бір ай бұрын ғана жеке көліктердің ҰАК көтерілу шектеуі алынып тасталған еді.
