ТЖМ Төтенше жағдайларды жою департаментінің бастығы Қаһарман Оразалин Орталық коммуникациялар қызмеі алаңында өткен брифингте елімізде су тасқыны қаупі жоғары аймақтарды атады, деп хабарлайды BAQ.KZ тілшісі.
Қаһарман Оразалин дерегінше, Қазгидрометтің мәліметтері бойынша Қазақстанның қар басқан аумағының ауданы 39 процентке азайған.
22-24 наурызда еліміздің солтүстік аудандарының аумақтарына қар және жауын-шашынның түсуімен солтүстік циклоны өтеді. 21 наурыздан бастап Павлодар және Ұлытау, 22 наурыздан Қостанай, Солтүстік Қазақстан, Қарағанды, Абай, Шығыс Қазақстан облыстарында біртіндеп күндізгі температура 3-13 градусқа дейін жоғарылауы күтіліп отыр, - деп айтты Төтенше жағдайларды жою департаментінің бастығы ОКҚ алаңында өткен брифингте.
Сөзінше, қалған қар қорын және алдағы жылыну мерзімі мен көлемінің болжамын ескере отырып, Қарағанды, Ақмола, Солтүстік Қазақстан, Қостанай, Ақтөбе, Шығыс Қазақстан облыстарында және Абай облысында су тасқынының жоғары қаупі сақталады.
