Түркістанда жылына мың қазандық шығаратын кәсіпорын ашылды

22 Қыркүйек 2022, 12:17
1783
Бөлісу:
Түркістанда жылына мың қазандық шығаратын кәсіпорын ашылды
PHOTO

Түркістан облысында жылу қазандығын жасап шығаратын небары үш компания бар. Жуырда Сайрам ауданында тағы бір осындай жаңадан өндіріс орны ашылды, деп хабарлайды аймақтағы BAQ.KZ тілшісі. 

Жалпы, оңтүстік өңірі жылу қазандықтарының қазірге дейін 60 пайызын Қытайдан, 15 пайызын Ресей, Корея елдерінен әкеліп жүр. Ал аймақтағы үш өндіріс орны барлық қажеттілікті толықтай жаба алмайды. Осы олқылықтың орнын толтыру мақсатында, Сайрам ауданы Ақсукент елді мекеніндегі Арт сапа құрылыс ЖШС қуаттылығы 100 000 ш/м болатын жылу қазандықтарын жасауды қолға алып отыр.

Түркістанда жылына мың қазандық шығаратын кәсіпорын ашылды

Аталған кәсіпорын мұның алдын металлдан түрлі бұйымдар жасап шығарумен айналысқан. Тек 2008 жылдан бастап жылу қазандықтарын шығара бастады.

Бастапқыда кәсіпорынды аяқтан тұрғызуда қаражат жағынан қиындықтар болды. Мамандар тапшы болғандықтан Германиядан білікті мамандар алдырдық. Неміс технологиясымен жабдықталған қазандықтарымыз газбен де, көмірмен де, дизельмен де жұмыс істейді. Біздің өнімдер тек жылуды ғана емес, сонымен қатар жылы су мен буды да береді. Бу қазандықтарына мұнай өндіретін компаниялар да қызығушылық танытып отыр, - деді мекеме директоры Нұрлан Нұрышев. 

Өңірлерді дамыту, аймақта қуатты жобаларды іске асыру бойынша облыста қарқынды жұмыстар жүргізіліп жатыр. Осы ретте кәсіпорын қазіргі таңда 65 адамды жұмыспен қамтыған. Жылу қазандықтары он қабатты үйлерге арналып жасалған. Мекеме директорының айтуынша, келер жылы көпқабатты үйлерге жылу қазандықтарын қоса беруіне болады.   

Түркістанда жылына мың қазандық шығаратын кәсіпорын ашылды

Кәсіпорнымыз жылына мыңға жуық қазандық шығаруға есептелген. Жылу құбырларының мұнда 400-ден астам түрі өндіріледі. Шағын аудандарға қоюға ыңғайланып жасалған модульдік қазандықтар да бар. Бұл қазандықтардың ауданын үлкейтіп немесе кішірейтуге және жылжытуға болады. Толықтай автоматтандырылған қазандық қашықтан да басқарылады және тұтынушыларға екі жылға сертификаты қоса берілед», - дейді Арт сапа құрылыс ЖШС директоры Н.Нұрышев. 

Кәсіпкерлікті дамытуға бағытталған кез келген жоба экономикалық өсуге алып барады. Аталған кәсіпорынға облыстық Кәсіпкерлер палатасы қолдау көрсетіп келеді. Өз кезегінде палата қандай мемлекеттік бағдарламалар аясында несие алуға болатынын, өндіріс орны қазіргі таңда қандай жағдайда тұр, қандай мамандар тапшы, қанша қаражат қажет, оған қоса инфрақұрылым жағдайын зерделеп, отандық өнімдердің кеңеюіне қол ұшын созуда. 

Өзгелердің жаңалығы