Тоқаев шетелдік инвесторлардан еліміздегі жасыл экономиканы дамытуға қатысты ойларымен бөлісуді сұрады

Тоқаев шетелдік инвесторлардан еліміздегі жасыл экономиканы дамытуға қатысты ойларымен бөлісуді сұрады
1044

Нұр-Сұлтан, BAQ.KZ тілшісі. Шетелдік инвесторлар кеңесінің 34-отырысында Мемлекет басшысы Қасым-Жомарт Тоқаев шетелдік инвесторлардан еліміздегі жасыл экономиканы дамытуға қатысты ойларымен бөлісуді сұрады.

Климаттық және технологиялық қиындықтардан басқа, әлемде жаңартылатын энергия көздеріне көшудің өзектілігі жаңа геосаяси контекстті күрт арттырды. Бірақ екінші жағынан, энергетикалық тәуелсіздікке ұмтылу бірқатар елді көмір кеніштерін қайта ашуға және көмірмен жұмыс істейтін электр станцияларының жұмысын қалпына келтіруге итермелейді, - деді Мемлекет басшысы.

Оның айтуынша, кейбір мемлекеттерде декарбонизация саясаты энергетикалық қауіпсіздікті қамтамасыз ету саясатымен айқын қайшылыққа түскенін көрсетіп отыр. 

Мен бүгінгі кездесуді осы мәселе бойынша интерактивті өзара іс-қимыл ретінде өткізуді ұсынамын. Презентацияларыңызда Қазақстанға өзінің ұзақ мерзімді мақсаттарына қол жеткізуге көмектесетін негізгі құралдар ретінде ең алдымен жасыл және тиімді энергиялық технологияларды қабылдауға қатысты қандай тәсілдерді ұсынатындарыңызға қатысты пікірлеріңізді естігім келеді. Еліміздің климатқа төзімді төмен көміртекті экономикаға көшуін нығайту үшін не істеу керегі туралы ойларыңызды білгім келеді, - деп айтты Қасым-Жомарт Тоқаев Шетелдік инвесторлар кеңесінде айтқан сөзінде.

Қысқа да нұсқа. Жазылыңыз telegram - ға
Өзгелердің жаңалығы