Нұр-Сұлтан, BAQ.KZ. Қазақстандық теннисші Елена Рыбакина Токио Олимпиадасының жартылай финалына жолдама алды. Бұл туралы Olympic.kz хабарлады.
Ширек финалда Рыбакина испаниялық Гарбинье Мугурусамен кездескен болатын. Әлемдік рейтингте 9-шы тұрған Мугурса қазақстандық спортшыға қарсылық таныта алмады.
Небәрі екі сетке созылған кездесуде Елена Рыбакина 7:5, 6:1 есебімен жеңіске жетті.
Айта кетейік, Токио Олимпиадасының финалдық ойнына өту үшін Рыбакина швейцариялық Белинда Бенчичпен кездеседі.
