Қазақстандық теннисші Бейбіт Жұқаев Швейцарияның Тримбах қаласында өтіп жатқан турнирдің жартылай финалына өтті, деп хабарлайды BAQ.KZ.
Ол ширек финалда ресейлік спортшы Ян Сабанинмен (әлемнің 1177-ші ракеткасы) кездесті. Аталған матч екі сетте аяқталды. Отандасымыз 6:4, 7:6 есебімен жеңіске жетті.
Бейбіт жартылай финалда Нейхрист (Австрия) пен Фриберг (Швеция) арасындағы жеңімпазбен жолығады.
Еске салып өтсек, қазақстандық теннисші қазір ATP (Кәсіпқой теннисшілер қауымдастығы) әлемдік рейтингінде 318-ші қатарда тұр.
