Теміржол арқылы жүк тасымалы көлемін арттыру жұмыстары жүргізіліп жатыр

16 Қазан 2021, 11:11
2522
Бөлісу:
Теміржол арқылы жүк тасымалы көлемін арттыру жұмыстары жүргізіліп жатыр

Нұр-Сұлтан, BAQ.KZ. Темір жолдың өткізу қабілетін арттыру үшін инфрақұрылымды күшейту бойынша жобалар іске асырылуда, деп хабарлады ҚР ИИДМ баспасөз қызметі.


Биыл Достық-Мойынты теміржол желісін жаңғырту басталды. Жоба 2025 жылға дейінгі «Қуатты өңірлер – ел дамуының драйвері» Ұлттық жобасы» стратегиялық құжатына енгізілген. Оны жүзеге асыру пойыздар қозғалысы жылдамдығын тәулігіне 1500 км-ге дейін арттыруға және Қазақстан аумағы арқылы Қытай – Еуропа негізгі транзиттік дәлізінің өткізу қабілетін ұлғайтуға мүмкіндік береді. 2022 жылы Алматы айналасында айналма желі құрылысын бастау жоспарлануда.

Жоба транзиттік жүк ағынын жаңа қысқа бағытқа ауыстыруға, қозғалыс жылдамдығын арттыруға және Алматы-1 станциясы жүктемесін 40% дейін түсіруге мүмкіндік береді. 

Сонымен қатар, Өзбекстанмен шекарада өткізу қабілетін арттыру үшін Дарбаза-Мақтаарал желісі салынады. Жаңа желі Өзбекстанмен қатынаста жүктердің қосымша көлемін тарту мүмкіндігін қамтамасыз етеді және Сарыағаш–Келес шекара өткеліндегі жүктемені төмендетеді.

Өзгелердің жаңалығы