Бұл туралы Төтенше жағдайлар бірінші вице-министрі Ибрагим Күлшімбаев Орталық коммуникациялар қызметінің алаңында өткен баспасөз мәслихатында мәлімдеді, деп хабарлайды BAQ.KZ тілшісі.
Бір мезгілде біз көшкін қаупі бар жағдайды бақылауда ұстаймыз. Биыл қысқы кезеңде массасы 55 мың текше метрден асатын 57 өздігінен қар көшкіні тіркелген. Халықтың қауіпсіздігін қамтамасыз ету мақсатында «Қазселденқорғау» ММ жалпы көлемі 250 мың текше метр қар көшкінінің 74 профилактикалық түсуі жүргізілді, - деп атап өтті ведомство өкілі.
Айтуынша, адамдардың өліміне және зардап шегуіне жол берілмеді
Қазіргі уақытта қар көшкіні бар жағдайды бағалау үшін бақылау және ескерту қызметі ұйымдастырылған. Алматы қаласы мен Шығыс Қазақстан облысының таулы аудандары, шамамен екі мың қар ұстайтын қалқандармен қорғалады. Учаскелерде ақпараттық және ескерту қалқандары орнатылады, жер үсті тексерулері жүргізіледі. Қар көшкінінің өздігінен және профилактикалық түсуіне уақтылы ден қою үшін 112 адам және 56 бірлік техникадан тұратын 12 құрылымдар дайындалды, - деді Ибрагим Күлшімбаев.
Еске сала кетейік, бұған дейін вице-министр су тасқыны орын алған Түркістан облысындағы апатқа байланысты соңғы мәліметтермен бөліскен болатын.
