Алматы, BAQ.KZ. «Талибан» радикалды қозғалысының содырлары америкалық журналист Маркус Яманы (Marcus Yam) соққыға жыққан, кейін одан кешірім сұрап, су мен энергетикалық сусын берген.
Журналистің айтуынша, ол әріптестерімен бірге тәліптер мен бұрынғы үкімет қызметкерлері арасындағы жанжалды түсіріп жатқан. Кенеттен содырлар оларға тап берген.
Мен қатты қорқып кеттім. Қолымды көтеріп, шетелдік журналист екенімізді айтып, бізге тимеулерін сұрадым,-деп жазды журналист Los Angeles Times басылымына шыққан мақаласында.
Осыдан кейін шабуыл жасаған содырлар журналирстерден кешірім сұрап, су мен энергетикалық сусын ұсынған. Америкалық тәліптердің бұл әрекетіне қатты таңырқағанын жасырмады.
Бұған дейін Ауғанстанның батысында тәліптер Deutsche Welle телерадиокомпаниясы журналистінің туысын өлтіріп, тағы бір туысын жаралағаны хабарланған.
