Талдықорғанда муайтайдан ел чемпионаты өтті

Талдықорғанда  муайтайдан ел чемпионаты өтті
6708

Алматы, BAQ.KZ. Талдықорғанда ерлер мен әйелдер арасында муайтайдан ҚР Чемпионаты өтті.

Жарыста еліміздің 11 өңірінен 200-ден астам спортшы бақ сынады.

Ақтық жекпе-жек шоу-бағдарлама элементтерімен және жарық-дыбыс жабдықтарымен өтті.

Бұл турнир осы жылдың желтоқсан айында Пхукет аралында (Таиланд Корольдігі) өтетін Әлем Чемпионатына іріктеуге жолдаманы сарапқа салу үшін ұйымдастырылды.

Қазақстандық муайтай федерациясы спортшылар мен чемпионат қатысушыларын ақшалай сыйлықтармен марапаттады.

«Үздік техника» - Әбіл Галиев, «жас, болашағы зор жауынгер» - Әлижан Қанат, «жеңіске деген жігері үшін» - Әлішер Какей, Еркебұлан Қасен, Шыңғысхан Ыбырай, «Үздік төреші» - Бағытжан Мұхамбеталиев марапатталды.

Бейресми командалық есепте 6 алтын медальмен Алматы облысының командасы бірінші орынды иеленді.

Айта кетейік, шара Қазақстан Тәуелсіздігінің 30 жылдығына орайластырылған.

Муайтай боксы облыстық дене шынықтыру және спорт басқармасының, жауынгерлік өнер қауымдастығының Алматы облысы бойынша өңірлік филиалының және ҚР ҰҚКД қолдауымен өтті.

Іс-шараға ҚР муайтай федерациясының вице-президенті Фархат Аманқұлов, Қазақстанның жауынгерлік өнер қауымдастығының Бас хатшысы, ҚР еңбек сіңірген қайраткері Байкенже Белбаев, ҚР ҰҚК Алматы облысы бойынша департаменті бастығының міндетін атқарушы Рустам Ибраев, дене шынықтыру және спорт басқармасының басшысы Нұрбахыт Теңізбаев қатысты.

Қысқа да нұсқа. Жазылыңыз telegram - ға

Фото: ашық дереккөз
Өзгелердің жаңалығы