Мәжіліс кулуарында Экология және табиғи ресурстар министрі Зүлфия Сүлейменова министрліктің бөлінуіне қатысты сұраққа нақты жауап бере алмады, деп хабарлайды BAQ.KZ тілшісі.
«Сіздің қызметіңіздің бір бөлігін алды? Министрлік екіге бөлінеді. Оған көзқарасыңыз қандай?» деп сұрақ қойды БАҚ өкілі.
Еске сала кетсек, бүгін Парламент палаталарының бірлескен отырысында Қазақстан халқына Жолдауында Мемлекет басшысы Қасым-Жомарт Тоқаев Су ресурстары және ирригация министрлігі құрылатынын мәлімдеді.
Мемлекет басшысы су дегеніміз – үнемдеп пайдаланбаса, тез таусылатын шектеулі ресурс екеніне айрықша назар аудартты.
Онсыз шаруалардың күні қараң. Сол себепті бұл салада заңсыздыққа жол берілмейді. Талапқа бағынбайтындар қатаң жазаға тартылады. Еліміз үшін судың маңызы мұнай, газ немесе металдан кем емес. Су шаруашылығы жүйесін тиімді дамыту мәселесімен дербес мекеме айналысуы қажет деп санаймын. Сондықтан Су ресурстары және ирригация министрлігі құрылады, - деді Қасым-Жомарт Тоқаев.
