Шымкент көшелерін қызыл су басты

5 Ақпан 2023, 18:14
1131
Бөлісу:
Шымкент көшелерін қызыл су басты
Фото: Төтенше жағдайлар министрлігі

Шымкент қаласының аумағында су тасқыны жағдайы тұрақты, деп хабарлайды BAQ.KZ Төтенше жағдайлар министрлігіне сілтеме жасап.

Қала аумағында 10 гидротехникалық құрылыстардың, 4 ірі өзен мен 27-ден астам каналдың жағдайы бақылауға алынған. Қала аумағындағы су қоймаларының толуы бүгінгі күні 2-ден 65%-ке дейін көрсеткішті құрайды. Қазіргі уақытта тасқын суларды қабылдау үшін су қоймаларында қорлар жеткілікті. Өзендердегі судың деңгейі төмен.

  ТЖ департаменті жергілікті атқарушы органдарымен бірлесіп су басудың салдарын жоюға 40 мың дана қап дайындап,  әр ауданның су басу қауіпті орындарға жақын жерге жиналған. Су тасқынының алдын алу мақсатында қаланың 5 ауданы аумағвнан 63 мың текше метр қар қауіпсіз жерге шығарылды.

Шымкент көшелерін қызыл су басты

Қала аумағындағы су басу қауіпті аймақтарға тікұшақ арқылы әуеден шолу жұмыстары жүргізіліп, нәтижесі бойынша шеткі және қырлы жерлерде (Забадам елді мекені, 195 орам, Елтай елді мекені, Тұран мөлтек ауданы) қардың көп мөлшерде жиналып, күн жылып еріп және де үстінен жаңбыр жауса, су басу жағдайлары болуы ықтимал.

Аудандық төтенше жағдайлар басқармалары аудандық әкімдіктерімен бірлесіп қауіпті су басу ықтимал учаскілерге жерүсті мониторинг жүргізіп, қауіпті деп танылған учаскілердегі каналдарды, ирригациялық жүйелерде жиналған мұздар мен қоқыстарды тазарту жұмыстарын жүргізді.   

Қала әкімінің тапсырмасына сәйкес 30 қаңтардан бастап ерекше өкімге дейін Департаменттің дағдарыс жағдайлар орталығында тәуліктік кезекшілік ететін штабы ұймдастырылып, ұйлестіру жұмыстары атқарылды.

Шымкент көшелерін қызыл су басты

Қалада 2 ақпанда жауын- шашын орын алып, департаменттің бөлімшелері мен аудан әкімшілігі 30 мекенжай бойынша су шығару, бөгет жасау жұмыстары жүргізілді. Қала бойынша 30 мекенжайда 2230 м3 су шығарылып, 200 дана қаппен бөгет жасалынды. Авариялық-құтқару жұмыстарына жеке құрамнан 200 адам, 32 мотопомпа, 42 бірлік техника жұмылдырылды.

Су тасқыны кезіндегі төтенше жағдайларды жою үшін күш пен құралдар, оның ішінде 535 адам, 101 бірлік әр түрлі мақсаттағы техника,  17 қайық,  78 дана мотопомпа дайындыққа келтірілді.

Өзгелердің жаңалығы