Нұр-Сұлтан, BAQ.KZ. Германияда медицина қызметкерлері үшін міндетті вакцинация енгізіледі.
Енді олар жұмыс орнында вакцинациядан өткендігі немесе covid-19 ауруынан сауығып шыққандығы туралы дәлелдеме ұсынуы керек.
Шотландия омикронның таралуына байланысты шектеулерді күшейтеді. COVID-19 жұқтырған адамдармен байланысқа түскендердің барлығы вакцинацияланғанына немесе коронавирусқа теріс сынақ нәтижесі болса да 10 күн карантинде болуы керек.
Гана 13 желтоқсаннан бастап шетелден оралған азаматтарды елдің әуежайына келгеннен кейін бірден COVID-19 вирусына қарсы вакцинациялай бастайды. Сонымен қатар елден кететін Гана тұрғындары вакцинация туралы құжаттарды ұсынуы керек. Мұндай шараларды ел билігі “омикронның” таралуына байланысты қабылдады.
