Биыл мамырда еліміздің бірқатар өңірінде құрғақшылық болуы мүмкін, деп хабарлайды BAQ.KZ тілшісі.
"Қазгидромет" РМК-ның болжамы бойынша, мамыр айында Қазақстанның 11 облысында құрғақшылық қаупі бар. Орташа құрғақшылық келесі өңірлер мен аудандарда тіркелуі ықтимал:
Қостанай облысы – Амангелді, Жангелді аудандары және Арқалық қаласының маңайы;
Батыс Қазақстан облысы – Қазталов, Жәнібек, Жаңақала, Ақжайық аудандары;
Ақтөбе облысы – Шалқар ауданы;
Атырау облысы – Құрманғазы және Исатай аудандары;
Қарағанды облысы – Ақтоғай мен Шет аудандары;
Алматы облысы – Балқаш ауданы;
Жетісу облысы – Алакөл ауданы;
Жамбыл облысы – Мойынқұм ауданы;
Түркістан облысы – Сузақ ауданы;
Маңғыстау облысы – Бейнеу, Маңғыстау, Қарақия аудандары;
Қызылорда облысы – Арал, Қазалы, Қармақшы, Шиелі аудандары мен Қызылорда қаласы.
Ал қалған аймақтарда топырақтағы ылғалдылық деңгейі қалыпты болады деп күтілуде.
