Шенеунік пара алғаны үшін 100 млн теңге айыппұл салынды

6 Маусым 2022, 10:36
1074
Бөлісу:
Шенеунік пара алғаны үшін 100 млн теңге айыппұл салынды

Нұр-Сұлтан, BAQ.KZ. Алматы облысында мемлекеттік мекеме басшысы сотталды.

Бұл туралы Сыбайлас жемқорлыққа қарсы іс-қимыл агенттігінің баспасөз қызметі хабарлады.

Талдықорған қалалық сотының үкімімен Алматы облысының кәсіпкерлік және индустриалды-инновациялық даму басқармасының басшысы Тамерлан Разбеков пен «АСПМК-519» ЖШС басшылығы сыбайлас жемқорлық қылмысы үшін кінәлі деп танылды.

Тергеу мәліметтері бойынша, басқарма басшысы 2021 жылы ЖШС техникалық директоры және бас директорынан 96 миллион теңгеге орындалған жұмыстар актісіне қол қоюға ықпал еткені үшін жалпы сомасы 33 500 АҚШ доллары көлемінде пара алған,  - делінген хабарламада.

ЖШС басшылығы 3 жылға бас бостандығын шектеуге сотталды.

Разбеков 100,2 миллион теңге мөлшерінде айыппұл салына отырып, өмір бойына мемлекеттік қызметте қызмет атқару құқығынан айырылды.

Өзгелердің жаңалығы