Семейдегі сауда орталығында әйелдің аяғы эскалаторға қысылып қалды

Семейдегі сауда орталықтарының бірінде әйелдің аяғы эскалаторға қысылып қалды. Оған ТЖМ құтқарушылары көмек көрсетті.

Оқиға туралы хабарлама 112 пультіне түскен. Жедел-құтқару жасағының қызметкерлері гидравликалық құралдың көмегімен 1990 жылы туған әйелдің аяғын эскалатордан босатты.

Зардап шеккен әйел медициналық көмек көрсету үшін жедел жәрдем қызметкерлеріне тапсырылды.