Сайлау учаскесі: Дауыс беруге сайлаушылардың 53 пайызы келді 

Астана қаласындағы №379 сайлау учаскесінде тіркелген 1775 сайлаушының 934-і дауыс берді, деп хабарлайды BAQ.KZ тілшісі.

Бұл туралы 20.00-де дауыс беру науқаны аяқталған соң аталған сайлау учаскесінің төрайымы Гүлнар Садықова хабарлады.

Сайлау комиссиясы алдымен қолда қалған бюллетеньдердің санын анықтады.

Учаскелік сайлау комиссиясы алған барлығы 1793 сайлау бюллетенінің 859 данасы қолданылған жоқ. Қазір біз жәшікті төңкеріп, барлық дауыс берілген бюллетеньдерді төгеміз және әр кандидатқа берілген дауыс санын анықтаймыз, - деді №379 сайлау учаскесінің төрайымы.  

Ол сондай-ақ бюллетеньдердің ішінде жарамсызы да болуы мүмкін екенін ескертті.