Нұр-Сұлтан, BAQ.KZ тілшісі. Дәл қазір елімізде ҚР Парламент Мәжілісі мен мәслихат депутаттарын сайлау процесі өтіп жатыр.
Елордадағы «Астана» концерт залында орналасқан №138 және №138 сайлау бөлімшелеріне келген ресейлік сенатор, ТМД елдері парламентаралық ассамблеясы халықаралық байқаушылар тобының координаторы Алексей Майоров ең алдымен учаскелердің сайлау процесінің ұйымдастырылуына жоғары баға берді.
Тағы бір баса назар аударатын жайт, әрбір учаскедегі санитарлық нормалардың сақталуы қатаң жүргізілуде. Сайлау комиссиясының мүшелері де, сайлаушылар да қорғаныш маскалары, қолғаптармен жұмыс істеуде. Біздің топта 38 адам бар. Кешке қарай сайлау процесінің қорытындысына қатысты талқылау өткізбекпіз. Ертең де жалғасатын сайлау процесінен кейін сайлаудың болжалды қорытындысы шығады, - деді ол.
Ал алғашқылардың бірі болып дауыс беруге келген Боран Уәлиев елордада 1967 жылдан бері тұрады. Қария елім деген әрбір азамат сайлауда таңдау жасауы керек дейді.
Сайлау деген мейрам. Әр адам сайлауға келіп, таңдау жасауы тиіс. Бұл халқымыздың амандығы үшін керек. Таңдалған азаматтар ел үшін, Отан үшін қызмет жасасын деп үміт күтеміз, - дейді ол.
Айта кетейік, бұған дейін №138 сайлау учаскесінде ҚР Премьер-министрі Асқар Мамин алғашқылардың бірі болып дауыс берген болатын.
