Бұл туралы ОСК-ның мүшесі Асылбек Смағұлов Орталық сайлау комиссиясының отырысы барысында мәлімдеді, деп хабарлайды BAQ.KZ тілшісі.
Отырыстың күн тәртібінде сайлау науқанының маңызды мәселелері талқыланды. Мемлекеттік билік құрылымдары, саяси партиялар мен барлық партиялардың күш жігерін біріктіретін бұл сайлау республика азаматтарын мемлекет ісіне араласуға ықпал етеді.
Отырыс барысында ОСК-ның мүшесі Асылбек Смағұлов өзгеріске енген заңнамалық жаңашылдықтардың негізгі ережелері туралы баяндады.
«Заңнамалық тұрғыдан жаңа нормалар ҚР кейбір Конституциялық заңдарына, Мемлекет басшысының Жолдауын іске асыру мәселелері бойынша өзгеріс енгізістер мен толықтырулар енгізу туралы ҚР Конституциялық заңмен қабылданды. Сайлау туралы заңның 9 бабының 2,3,4 тармақтарында көзделген жаңа қағидаттар бойынша мәжіліс депутаттары біртұтас жалпы ұлттық сайлау округі аумағы боцынша пропоруионалды өкілдік ету жүйесі бойынша сайланады.
Облыста, қалаларда және Астана мәслихаттары депутаттарының жартысы біртұтас аумақтық сайлау округі бойынша пропорционалды өкілдік ету арқылы, екінші жартысы бір мандатты аумақтық сайлау өкілдіктері бойынша сайланады»,-деді ол.
Сондай-ақ, депутаттар маңдаттарының саны тақ болған жағдайда жартысынан асатын маңдат бір маңдаттық сайлау округі бойынша сайланады.
Сайлау талабы Конституциялық заңның 10 бабының 3 тармағына сәйкес, парламент мәжілісінің депутаттарын сайлау жөніндегі аумақтық, округтік сайлау комиссияларын орталық сайлау комиссиясы құрады.
Және сайлауға саяси партиялар, қоғамдық бірлестіктер, құрылымдық бөлімшелері және өзін-өзі ұсыну арқылы өз кандидатурасын ұсына алады.
