Нұр-Сұлтан, BAQ.KZ. Алматы қаласының әкімі Бақытжан Сағынтаев көлік жолайрығы, метростанса құрылысы мен Абай даңғылын ұзартудың жұмыс барысын тексерді.
Рысқұлов даңғылы мен Емцов көшесі қиылысындағы көлік жолайрығының құрылысы аяқталуға жақын. Рысқұлов даңғылы арқылы өтетін эстакадада жол жабынын төсеуге дайындық жүргізіліп жатыр, - деді ол.
Қозғалысты жыл соңына дейін ашу жоспарда бар.
Абай даңғылын тесіп өту жобасына сәйкес Момышұлы көшесінен Наурызбай ауданының әкімшілік орталығына дейін ұзындығы 3,5 км учаскенің құрылысы жалғасуда. Әшімов көшесінің үстінен 400 метрлік эстакада салынуда. Бүгінде жұмыс аяқталғанға дейін мұндағы қозғалыс уақытша сызба бойынша ұйымдастырылады, - деді қала басшысы.
