Қызанақтардан вирус анықталды

5 Наурыз 2024, 18:13
558
Бөлісу:
Қызанақтардан вирус анықталды
PHOTO
Фото: Агроөнеркәсіптік кешендегі мемлекеттік инспекция комитеті

Мемлекеттік инспекторлар қызанақ жемістерінің қоңыр қатпарлы вирусын анықтады, деп хабарлайды BAQ.KZ.

Орал қалалық аумақтық инспекциясының өсімдіктер карантині жөніндегі мемлекеттік инспекторлары осы жылдың 26 қаңтарында Ресей Федерациясынан келіп түскен 1 тонна көлемінде карантинге жатқызылған қызанақ өнімдеріне қайталама карантиндік фитосанитариялық бақылау жүргізу кезінде қызанақ жемістерінің қоңыр қатпарлы вирусын (ToBRFV) анықтады

Қазақстан Республикасының аумағына залалданған карантинге жатқызылған өнімді әкелгені үшін инспектор ӘҚБтК-нің 400-бабы бойынша хаттама толтырып, сондай-ақ істің барлық материалдары сотқа берілді.

Қызанақтардан вирус анықталды

Сот шешімімен 2024 жылдың 12 ақпанында өнім алушы кінәлі деп танылды. Жасалған құқық бұзушылық үшін 77 532 теңге сомасында әкімшілік айыппұл салынды, сондай-ақ залалданған барлық өнім арнайы белгіленген аумақта өртеу әдісімен жойылды.

Қызанақтардан вирус анықталды

Жою комиссияның қатысуымен өтті, оның құрамына жергілікті атқарушы органдардың, экология департаментінің өкілдері, Орал қалалық аумақтық инспекциясының басшысы, сондай-ақ карантиндік өнім иесінің қатысуымен өтті.

Өзгелердің жаңалығы