ҚХР-дан ОА-ға келетін транзиттік жүк Алтынкөл стансасына қайта бағдарланады, деп хабарлайды BAQ.KZ "Қазақстан темір жолы" ҰК" АҚ баспасөз қызметіне сілтеме жасап.
Варшава қаласында (Польша) өткен ТЖЫҰ-ның кезекті кеңесінде Қытай Цзинхэ-Алашанькоу учаскесінде екінші желі құрылысының барысы туралы, ал қазақстандық тарап Достық-Мойынты учаскесінің екінші жолдарының құрылысы туралы хабардар етті.
Кездесуде ТЖЫҰ мүшелері үстіміздегі жылдың 1 сәуірінен бастап Алтынкөл-Қорғас пункті арқылы баламалы маршрут болған кезде Қытайдан Орталық Азия елдеріне (ОА) және Достық Алашанькоу арқылы кері жүк транзитінің қозғалысын уақытша тоқтата тұруға келісті.
Алтынкөл-Қорғас өткелі арқылы ҚХР - дан ОА-ға жүк тасымалдау Достық-Алашанькоу түйіскен жеріне қарағанда 500 км-ге қысқа және 10-15% арзан.
Бүгінде Достық - Алашанькоу түйіскен жері бойынша тасымалдау үлесі ОА-ның жалпы көлемінде 20% аспайды. Алтынкөл мен Қорғас стансаларының заманауи инфрақұрылымы және жүктерді қабылдау мен беру үшін терминалдық мүмкіндіктері бар.
