"Қазгидромет" синоптиктері ертең, 14 наурызда елдің 11 өңірінде қолайсыз ауа райына байланысты ескерту жасады, деп хабарлайды BAQ.KZ.
Алматы облысының оңтүстігінде, таулы аудандарында кей уақытта қатты жауын-шашын (жаңбыр, қар) күтіледі. Облыстың оңтүстігінде, таулы аудандарында көктайғақ, тұман. Солтүстік-батыс бағыттан жел соғады, күндіз облыстың шығысында, орталығында екпіні 17-22 м/с.
Алматыда кей уақытта тұман күтіледі. Жол бойында мұзтайғақ.
Маңғыстау облысының оңтүстігінде, батысында, шығысында шаңды дауыл күтіледі. Солтүстік-шығыстан соғатын жел оңтүстік-шығысқа ауысады, облыстың оңтүстігінде, батысында, шығысында күндіз екпіні 15-20 м/с күтіледі.
Атырау облысының батысында, солтүстігінде, орталығында тұман күтіледі. Солтүстік-батыстан оңтүстік-шығысқа ауысып жел соғады, күндіз облыстың батысында екпіні 15-20 м/с.
Түркістан облысының оңтүстігінде, батысында, таулы және тау бөктерлі аудандарында жауын-шашын, түнде облыстың таулы аудандарында қатты жауын-шашын (жаңбыр, қар) күтіледі. Облыстың оңтүстігінде, батысында, таулы және тау бөктерлі аудандарында көктайғақ, тұман күтіледі. Солтүстік-батыстан жел соғады, таулы аудандарында екпіні 15-20 м/с.
Шымкентте кей уақыттарда жауын-шашын (жаңбыр, қар), көктайғақ, тұман күтіледі.
Ақмола облысының батысында, солтүстігінде, шығысында жаяу бұрқасын күтіледі. Түнде және таңертең облыстың батысында тұман күтіледі. Батыстан, оңтүстік-батыстан жел соғады, таңертең және күндіз облыстың батысында, солтүстігінде, шығысында екпіні 15-20 м/с күтіледі.
Ақтөбе облысының батысында, солтүстігінде тұман күтіледі.
Солтүстік Қазақстан облысының солтүстігінде, батысында, оңтүстігінде жаяу бұрқасын күтіледі. Түнде және таңертең облыстың оңтүстігінде тұман күтіледі. Оңтүстік-батыстан жел соғады, күндіз облыстың солтүстігінде, батысында, оңтүстігінде екпіні 15-20 м/с.
Батыс Қазақстан облысының оңтүстігінде, шығысында тұман күтіледі.
Абай облысының солтүстігінде, шығысында, оңтүстігінде жаяу бұрқасын күтіледі. Оңтүстік-батыстан соғатын жел солтүстік-батысқа ауысады, облыстың солтүстігінде, оңтүстігінде 15-20 м/с.
