Қазақстандық ғалымдар аязға төзімді күздік бидай сортын шығарды

23 Мамыр 2024, 07:55
260
Бөлісу:
Қазақстандық ғалымдар аязға төзімді күздік бидай сортын шығарды
Фото: gov.kz

ҰАҒБО ғалымдары rүздік бидайдың жаңа сортын гибридті популяциядан жеке сұрыптау нәтижесінде шығарды, деп хабарлайды BAQ.KZ.

Ауыл шаруашылығы министрлігі «Шөл» деп аталатын жаңа сорт бай ботаникалық әртүрлілікке ие және Гостианум (Hostianum) гибридті түріне жататынын айтты.

«Шөлдің» таңғажайып сипаттамаларына келсек, ұзындығы 8-12 см цилиндрлі масақтары бар, құрылымы тығыз, 10 см-ге жететін 14-18 тікенекті түктері болады. Дәні шыны тәрізді, жартылай ұзын, ірі, қызыл түсті, түбі тегіс, ортаңғы ойығы бар.

Өсімдіктің биіктігі 105-115 см, сабағы қалың, түрлі жағдайларда өсіруге мүмкіндік бар. Бұтаның пішіні жартылай тік боп келеді.

Сорттың шаруашылық құндылығы оның жоғары өнімділігінен байқалады. 1000 дәннің салмағы 40,8-49,0 г, көлемі 757-820 г/л, негізгі масақтағы дән саны 45,5-60,5 түйірге жетежі. Ең бастысы «Шөл» сорты қысқы суық пен жазғы ыстыққа және құрғақшылық пен ауруға да төзімді.

Жаңа сорт суармалары жерлер мен тыңайтқыштарды пайдалану жағдайында өсіру үшін ұсынылады. Піскен кезде дәні шашылмайды және оңай бастырылады. «Шөл» өнімділігі 25,5-40,5 ц/га құрайды, - деп сипаттаған ғалымдар.

Бұл сорт сынақтан сәтті өтті және жерсіндіру жұмысында да жақсы нәтиже берді. Ғалымдар тың өнімге патент алып, ауыл шаруашылығы кәсіпорындарымен табысты пайдаланылуда. Ғалымдар мен селекционерлер жаңа «Шөл» сорты мол өнім әкеліп, ауыл шаруашылығы саласында өнімділік көрсеткіштерін арттырады деп сенеді.

Өзгелердің жаңалығы