Елордада «Әділетті Қазақстан: бірлік, тұрақтылық, даму» тақырыбында Қазақстан халқы Ассамблеясының XXXII сессиясы басталды, деп хабарлайды BAQ.KZ тілшісі.
Жиынға Парламент депутаттары, орталық және жергілікті атқарушы органдардың, діни бірлестіктердің басшылары, ҚХА мүшелері, республикалық және облыстық этномәдени бірлестіктердің төрағалары, үкіметтік емес ұйымдардың, дипломаттық корпустың, ғылыми, шығармашылық зиялы қауымының, қазақстандық және шетелдік бұқаралық ақпарат құралдарының өкілдері қатысып жатыр.
