Нұр-Сұлтан, BAQ.KZ. Қашқындардың бірі министрлік қызметкері екені анықталды.
Көліктегі бас мемлекеттік санитар дәрігер Сәдуақас Байғабылов Нұр-Сұлтандағы ПТР-тест тапсыру пунктінен қашқандардың бірі Индустрия және инфрақұрылымдық даму министрлігінің қызметкері болып шыққанын хабарлады.
Әуежайдан ПТР анықтамасынсыз қашып кеткен елордалық екі тұрғын ұсталып, ПТР-тест тапсыру үшін карантиндік стационарға жеткізілді. Оларға 30 АЕК (83 340 теңге) көлемінде айыппұл салынады. Ерлі-зайыпты Шарм-эль-Шейхтен келген, олардың бірі Индустрия және инфрақұрылымдық даму министрлігінің қызметкері, - деп атап өтті Көліктегі бас мемлекеттік санитар дәрігер.
Айта кетейік, Шарм-әл-Шейхтен келген елорда тұрғындарының әуежайда арнайы автобусқа отырғызатын кезде ПТР-тест тапсырмай, қашып кеткені белгілі болды.
