Нұр-Сұлтан, BAQ.KZ. Польшада жаппай наразылықтар Конституциялық Соттың ананың өмірі мен денсаулығына қауіп төндірмейтін ұрықтың патологиясы себебінен жүктілікті тоқтатуға тыйым салатын шешім күшіне енгеннен кейін үшінші күн жалғасуда.
Жұма күні кешке Варшавада полиция демонстрацияға қатысушыларға көзден жас ағызатын газ қолданды, деп хабарлайды tass.ru.
Әйелдердің наразылығы мен оның жақтастарының акциясы жұма күні кешке Польша астанасының орталығында басталды. Мыңға жуық қатысушы қаланың орталық қиылыстарының бірін жауып тастады. Содан кейін олар жол бойымен жүріп өтті.
Полиция демонстранттарды дауыс зорайтқыштары бар жетекші көліктерінен бөліп тастағысы келген сәтте газ қолданылды. Наразылық білдірушілердің жетекшісі Марта Лемпарт зардап шекті.
Шерушілер акцияға фаерлермен, тулармен және транспаранттармен келген. Наразылықтың негізгі белгілері - қызыл найзағай, ілгіш және қолшатыр.
Транспаранттарда «Шекарасыз түсік жасату», «Түсік жасату - менің құқығым», «PiS (Польшадағы билеуші партия) - бұл вирус» делінген ұрандар жазылған.
Полиция машиналарына орнатылған дауыс зорайтқыштар арқылы бұл демонстрацияның заңсыз екендігі туралы хабарламалар таратып, жиналғандарды таралуға шақырды.
Польша үкіметі сәрсенбі күні «Официальный вестник» басылымында Конституциялық соттың ананың өмірі мен денсаулығына қауіп төндірмейтін ұрық патологиясына байланысты елде түсік жасатуға тыйым салу туралы шешімін жариялады.
Осылайша елде жаппай наразылық толқынын тудырған үкім ресми түрде күшіне енді.
Бұған дейін билік өткен жылдың 22 қазанында қабылданған сот шешімін жариялауды кейінге қалдырды. Бұл кейінге қалдыруды жазбаша негіздеме алу қажеттілігімен дәлелдеді.
Сәрсенбіде ол басылып шықты: Кез келген адам өмір сүруге құқылы, бұл Польша Конституциясымен кепілдендірілген.
Польшада ресми түрде түсік жасату ананың өмірі мен денсаулығына қауіп төнген жағдайда, егер ұрықтың ауыр және қайтымсыз зақымдану ықтималдығы жоғары болса немесе ананың өмірі мен денсаулығына қауіпті емделмейтін ауру болса, сондай-ақ жүктілік зорлау салдарынан болса, жасалуы мүмкін екендігі түсіндіріледі.
Даун синдромы, баланың болашақ мүгедектігі, ауыр емделмейтін аурудың ықтималдығы сияқты аурулар енді Польшада түсік жасатуға негіз бола алмайды.
Соттың негіздемесі жарияланғаннан кейін поляк қалаларының көшелерінде жаппай наразылық акциялары қайта басталды.
Демонстрацияларды ұйымдастырушылар Үкіметтің отставкаға кетуін және Польшадағы билеуші «Заң және әділеттілік» партиясының Ярослав Качиньскийдің кетуін талап етуде.
