Ертіс мұзынан, Павлодар-Ленинский тасжолындағы көпір астынан белгісіз ер адамның денесі табылды, деп хабарлайды BAQ.KZ.
ТЖД баспасөз қызметі өкілдерінің мәліметінше, бұл туралы құтқарушыларға сағат 22.23-те "112" пультіне хабарланған.
20 наурызда Павлодар-Ленинский көпірі астынан мәйіт табылғаны туралы ақпарат келіп түсті. Шақыру орнына келгеннен кейін ер адамның денесі екені расталды, – деп хабарлады ТЖД баспасөз қызметі өкілдері.
Құтқарушылардың айтуынша, белгісіз ер адам өлімінің мән-жайы анықталып жатыр.
