2023 жылғы 10-12 маусымға арналған Қазақстан бойынша ауа райы болжамы жарияланды, деп хабарлайды BAQ.KZ.
Мамандардың болжамынша, Қазақстандағы ыстық қысқа уақытқа шегінді.
Алдағы күндері атмосфералық фронтальды бөлімдердің өтуімен Қазақстанның басым бөлігінде өткінші жаңбыр, найзағай, жел, бұршақ күтіледі. 10-12 маусымда еліміздің солтүстігінде, шығысында, орталығында және оңтүстік-шығысының таулы аймақтарында қатты жаңбыр, оңтүстік-батысында, оңтүстігінде шаңды дауыл күтіледі. Қазақстанның шұғыл-континенттік климатында қалыптан ыстық температураның айтарлықтай төмендеуімен жиі ауыстырылады. Сонымен, ыстықтың бәсеңдеуі солтүстікте, шығыста +20+29°С дейін, орталықта +20+33°С дейін, 11-12 маусымда республиканың оңтүстік-шығысында +23+28°С дейін күтіледі, - делінген хабарламада.
