FlyArystan әуе компаниясы Оралға рейстердің қайта жанданатыны туралы айтты, деп хабарлайды BAQ.KZ Kaz.tengritravel-ге сілтеме жасап.
Бұл туралы әуекомпанияның баспасөз қызметі мәлім етті. Әуе тасымалдаушы компания мәліметінше, Алматыдан, Нұр-Сұлтаннан және Ақтаудан Оралға 2022 жылдың 20 тамызынан 20 қыркүйекке дейін ұшатын болады.
Айта кетейік, 18 шілдеде Орал қаласының әуежайында жөндеу жұмыстарының жүргізілуіне байланысты 1 тамыздан бастап FlyArystan әуекомпаниясы ішкі бағыттар бойынша Оралдан және Оралға ұшатын рейстерді тоқтатқаны айтылды. Алайда «Қазақстанның авиациялық әкімшілігі» АҚ Орал қаласының әуежайында әуе кемелерінің ұшуын шектемегенін мәлімдеді.
