Димаштың «Omir» композициясын қолдауға арналған бейнеролик Таймс-Скверде көрсетіліп жатыр, деп хабарлайды BAQ.KZ.
3 маусымда Нью-Йорктегі ең үлкен және әйгілі LED экрандарының бірі Таймс-скверде Димаш Құдайбергеннің «Omir» жаңа музыкалық бейнебаянын және оның алдағы Малайзиядағы жеке концертіне қолдау ретінде бейнеролик іске қосылды.
Үш бейнероликтің көрсетілімін қазақстандық әртіс Dimash Official Fanclub ресми фан-клубы ұйымдастырды.
Бір күн ішінде олар әр 20 минут сайын LED экранында көрсетіледі.
Естеріңізге сала кетейік, Димаш Құдайбергеннің Малайзия астанасы Куала-Лумпурдағы алғашқы жеке концерті 24 маусымда өтеді.
