Бас жаңалықтар
Жапония тұрғыны әлемдегі ең қарт адам деп танылды
10 Наурыз 2019, 13:28 316

Жапония тұрғыны әлемдегі ең қарт адам деп танылды

Алматы, BAQ.KZ. Жапония тұрғыны Канэ Танака әлемдегі ең қарт адам деп танылды. Қазір оған 116 жас пен 66 күн толған. Бұл туралы Гиннес рекордтар кітабы мәлімдеді.

Ол Фукока қаласындағы қарттар үйінде тұрады. Сенбі күні ол жерде салтанатты түрде кейуанаға құрмет белгісі берілді. Қарт әжейдің айтуынша, бұл оның өміріндегі ең бақытты сәттердің бірі болған.
Танака 1903 жылы 2 қаңтарда өмірге келген. Оның күйеуі мен ұлы Екінші дүние жүзілік соғыста қаза тапқан. Жапондық әйел өмір бойы күріштен жасалған шелпектер сататын дүкенде жұмыс істеген. Дүкенді күйеуі екеуі соғыс басталғанға дейін ашқан. Зейнетке шыққан соң Танака 1970 жылдары шетелге шығып, АҚШ-қа барып қайтқан.
2005 жылдан бері ол осы қарттар үйінде тұрып келеді екен. Қарт әжей ерте тұрып, үстел ойындарын ойнағанды жақсы көреді. Сондай-ақ, тәттіден де бас тартпайды. 103 жасында ота жасатып, қатерлі ісігін алдырған, одан басқа еш жері ауырмаған.
Бұған дейінгі ең қарт адам да осы Жапония тұрғыны болған. Тиё Мияко есімді Жердегі ең көп жасаған адам 117 жасында көз жұмған еді.

Сізден жаңалық