Нұр-Сұлтан, BAQ.KZ. Үндістанның тәуелсіздігіне 75 жыл толуына орай «Үндістан@75жыл» атты мерекелік шаралар өтті.
2021 жылдың 3-5 шілде аралығында Нұр-Сұлтан қаласындағы Үндістан Елшілігінің Свами Вивекананда мәдени орталығының (SVCC) Катхак би мұғалімі-орындаушысы Трипти Санвал ханым және Табла-вокал мұғалімі-орындаушысы Правин Кумар Дубей мырза кеш ұйымдастырды. Олар Аркалық қаласындағы Әйгерім Осипова ханым жетекшілік ететін «Натараджа» би ансамблімен бірлесіп, үнді билері мен әндерінен шеберлік сыныптар мен қойылымдар ұйымдастырды.
COVID-19 шектеулеріне байланысты шеберлік сыныптары әлеуметтік арақашықтықты сақтаумен өткізіліп, қатысушылар саны шектеулі болды.
Трипти Санвал ханым Катхак биі бойынша шеберлік сабақтарында классикалық Катхак биінің элементін түсіндірді. Үндістанның Болливуд биінің үлгілері де үлкен қызығушылық тудырды. Студенттермен топтық би жаттығулары өткізілді. Правин Кумар Дубей мырза дәстүрлі Үнді музыкалық жүйесін түсіндіруді және бастауыш деңгейдегі әндерді орындауды қамтитын шеберлік сыныптарын өткізді, - делінген Үндістан елшілігі баспасөз қызметінің хабарламасында.
Қатысушылар топ құрамында ән айтып, вокалдық тәжірибелерін шыңдады. Әкімдік қабырғасында кездесу барысында Арқалық қаласының әкімі Әмірхан Біркенұлы Асанов мырза SVCC мұғалімдерге шығармашылықта жаңа белестерге қол жеткізуге тілектестігін білдірді.
Сапардың екінші күні SVCC мұғалімдері мен «Натараджа» би ансамблі студенттерінің бірлескен концерттік бағдарламасы өтті, оның құрамына Джугалбанди (дуэт орындау), Катхак Соло және Табла (үнді классикалық музыка аспабы) ойнау және көрермендермен өзара әрекеттестік тәжірибесі өтті. Трипти Санвал Катхак биі бойынша шеберлік сыныптарын өткізді, оған классикалық Катхак биінде Тарана композициясын үйрету кірді. Болливуд Бхангра биін балаларға таныстырды. Сондай-ақ студенттермен бірге топтық би жаттығулары өткізілді. Правин Кумар Дубей мырза шеберлік сыныптарын өткізіп, бірлескен қазақ-үнді ән композициясын дайындады. Қатысушылар Болливуд хинди әндерімен таныстырылды. Топтық вокалдық тәжірибе де өткізілді.
5-шілде күні, сапардың үшінші күні SVCC мұғалімдері мен «Натараджа» би ансамблі студенттерінің бірлескен биі мен ән композицияларынан құралған концерттік бағдарлама орындалды, оның құрамында классикалық Катхак Тарана биі, Болливуд Бхангра биі және бірлескен қазақ-үнді ән композициясы және Болливуд хинди әні орындалды. Белсенді қатысушылар алғыс сертификаттарымен марапатталды.
Еске сала кетейік, Арқалық қаласындағы гибридті форматта ұйымдастырылған шеберлік сыныптары мен концерттік бағдарламалар Елшіліктің әлеуметтік медиа платформаларында жарияланды.
