Бас жаңалықтар
Синоптиктер бірнеше өңірде ескерту жариялады
01 Шілде 2020, 08:41 101

Синоптиктер бірнеше өңірде ескерту жариялады

Нұр-Сұлтан, BAQ.KZ. Синоптиктер ауа райының бұзылуына байланысты 1 шілдеге бірнеше өңірде ескерту жариялады, деп хабарлайды "Қазгидромет" РМК.

Атап айтқанда, Ақтөбе облысында найзағай, бұршақ күтіледі. Күндіз облыстың оңтүстігінде қатты жаңбыр жауады. Солтүстіктен, солтүстік-шығыстан соғатын желдің күші 15-20 м/с күшейеді.

Ақмола облысының кей жерлерінде найзағай болжанады. Түнде және таңертең тұман болады. Солтүстіктен, солтүстік-шығыстан соғатын желдің екпіні күндіз 15-20 м/с жетеді.

Қызылорда облысының кей жерлерінде күндіз найзағай, дауыл, бұршақ күтіледі. Жел солтүстік-батыстан соғады, күші кей жерлерде 15-20, екпіні 23-28 м/с артады.

Қостанай облысының кей жерлерінде найзағай, бұршақ, түнде және таңертең кей жерлерде тұман күтіледі. Солтүстіктен соққан желдің жылдамдығы 15-20 м/с күшейеді.

Солтүстік Қазақстан облысының басым бөлігінде жаңбыр жауып, найзағай, тұман күтіледі. Солтүстіктен жел соғады, түнде оның күші 15-20 м/с артады.




Фото: ашық дереккөз
Загрузка...