Қазақстанда Корей фильмдерінің фестивалі өтеді
7 Мамыр, 02:23 750

Қазақстанда Корей фильмдерінің фестивалі өтеді

Нұр-Сұлтан, BAQ.KZ. Елордадағы Корей мәдени орталығының хабарлауынша, фестиваль аясында корей фильмдері Талдықорған (14 мамыр), Ақтау (21 мамыр) және Қостанай (28 мамыр) қалаларында көрсетіледі.

Соңғы бірнеше жылда аталған фестиваль коронавирус жағдайының ушығуына байланысты онлайын форматта өткізілген. Алайда биыл елдегі эпидемиологиялық ахуалдың жақсаруына байланысты фильмдер офлайн көрсетілмек.

«Біраз жылдан бері COVID-19 таралуына байланысты біздің мәдени орталық шараларын өткізуде қиыншылықтар туындаған болатын. Қазір жағдай жақсы жаққа өзгерді. Биыл Қазақстан мен Оңтүстік Корея арасындағы мәдени және дипломатиялық қарым-қатынастардың орнағанына 30 жыл толып отыр. Осыған байланысты бізде көптеген шара өткізіледі», деді елордадағы Корей мәдени орталығының директоры Ли Херан.

Осы жолғы фестивальде қазақстандық көрермендерге «Кішкентай орман» және «Тоннель» атты екі корей картинасы ұсынылмақ. Екі фильмде де Кореяның тыныс тіршілігі, онда тұратын адамдардың өмірі туралы қызықты сәттер қамтылған.


Фото: ашық дереккөз
Загрузка...