Бас жаңалықтар
Қазақстан президенті  БҰҰ бас хатшысына көңіл айтты
13 Тамыз 2019, 15:02 228

Қазақстан президенті БҰҰ бас хатшысына көңіл айтты

Нұр-Сұлтан, BAQ.KZ. Қазақстан президенті Қасым-Жомарт Тоқаев БҰҰ бас хатшысы Антониу Гутерришке көңіл айту жеделхатын жолдады. Бұл туралы Ақорданың баспасөз қызметі хабарлады.

Мемлекет басшысы Қазақстан халқының және жеке өзінің атынан Бенгазидегі жарылыс салдарынан қаза тапқан БҰҰ-ның Ливиядағы миссиясы қызметкерлерінің отбасылары мен жақындарына көңіл айтты.

«Бұл зұлымдыққа толы лаңкестік шабуыл ізгілік пен жанашырлық құндылықтарын дәріптейтін қасиетті мұсылман мерекесі – Құрбан айт қарсаңында жасалғаны аса жан түршігерлік жағдай болып табылады. Әлемдік қауымдастықтың зорлық-зомбылыққа қарсы бірлескен және батыл күреске шақыратын үндеуін берік қолдай отырып, Қазақстан лаңкестіктің ешқандай түрі мен көрінісін қабылдамайды. Біз БҰҰ қызметкерлерінің жаһандық ұйымның игі мақсаттарына қол жеткізу жолындағы қызметін жоғары бағалаймыз», - делінген жеделхатта.

Бұған дейін хабарлағанымыздай, Ливияның Бенгази қаласында миналанған автокөліктің жарылуынан Біріккен ұлттар ұйымының үш қызметкері қаза тауып, екі адам зардап шекті. 


Фото: дереккөз

Сізден жаңалық