Бас жаңалықтар
Павлодар тұрғыны дәрілерді әлеуметтік желі арқылы сатпақ болған
09 Шілде 2020, 22:12 115

Павлодар тұрғыны дәрілерді әлеуметтік желі арқылы сатпақ болған

Нұр-Сұлтан, BAQ.KZ. Павлодарлық полицейлер дәрі-дәрмектерді заңсыз сатудың сегіз фактісін анықтады, деп хабарлайды Polisia.kz.

Дәрі-дәрмектерді заңсыз сатуды анықтау мақсатында полиция қызметкерлері тұрақты негізде әлеуметтік желілерге мониторинг жүргізеді. Осылайша, мониторинг жүргізу кезінде әлеуметтік желілердің бірінің бетінде заңсыз кәсіпкерлік қызмет фактісі анықталды.

Полиция қызметкерлерімен жүргізілген жедел-іздестіру іс-шаралары барысында Павлодар қаласының 23 жастағы тұрғыны ұсталды. Одан келесі дәрілік препараттар алынды: новокаин – бес бума (25 ампула), “цеф 3” – (25 ампула), 11 бума “зитмакс” (33 таблетка), левозин – бір дана (бес таблетка) және лидокоин – үш бума (15 ампула). Осы факті бойынша елдің заңнамасына сәйкес құқықтық баға берілетін болады.

Сондай-ақ, 6 шілде сағат 18.00-де рейдтік іс-шаралар жүргізу нәтижесінде Павлодар ауданының криминалдық полиция бөлімі мен жергілікті полиция қызметі қызметкерлерімен дүкенде дәрі-дәрмектерді сату фактісі анықталды. 42 жастағы ауыл тұрғыны азық-түліктен басқа, осы қызметке лицензиясы жоқ дәрілік препараттарды да сатқан.

ҚР ӘҚБК 424-бабы 1-бөлімі бойынша “Заңсыз медициналық немесе фармацевтикалық қызмет” дүкеннің иесін әкімшілік жауапкершілікке тарту үшін материал жиналып, Денсаулық сақтау органдарына жіберілді. Алынған дәрілік препараттар пациенттерді емдеуде одан әрі пайдалану мақсатында тиісті органдарға берілетін болады.


Фото: ашық дереккөз
Загрузка...