Жалпы жаңалықтар
-
-
Атырау облысында екпе алмаған балалар қызылшаға шалдығып жатыр
Астана, BAQ.KZ. Ауырған балалардың 85 пайызы 14 жасқа дейінгілер,-деп хабарлайды Атырау облыстық Өңірлік коммуникациялар қызметі.
Атырау облыстық қоғамдық денсаулық сақтау басқармасының басшысы Темірбек Мұсағалиевтің айтуынша, қазір қызылшаға шалдыққан балалардың денсаулықтары қалыпты, күн сайын медициналық күтім жасалады.
"Ауырғандар арасында бір жасқа толмаған нәрестелер бар, олар вакцинациядан өтпеген, медициналық көрсеткіштер бойынша екпе алмаған және екпе салдырудан бас тартқан. Сондықтан ата-аналарды балаларының денсаулықтарына жауапкершілікпен қарап, вакцина инфекциялық контагиоздық аурулардың алдын алатынын ескерте отырып, екпеден бас тартпауға шақырамыз. Вацинация қоры бізде жеткілікті, тұрғылықты мекен-жайы бойынша кез келген емханаға барып, тегін екпе салдыруға болады", - дейді Темірбек Мұсағалиев.
Аймақта қазір осы жағдай жіті бақылауда. Өткен жылдың қазан айында жұмыс тобы құрылды. Бүгінге дейін мамандар облыстың барлық аудандарына барып, ақпараттық-түсіндірме жұмыстарын жүргізді, тұрғындар мен медицина қызметкерлеріне сақтық шаралары жайында айтты, мектептерде, интернат, балабақшаларда болды, сондай-ақ емханаларда , стационарлық бөлімдерде арнайы кабинеттердің жабдықталуын қадағалады. Осындай жұмыстардың нәтижесінде бұрын бас тартып келген 752 бала қызылшаға қарсы екпе алды.
Жалпы елімізде қазір қызылша ауруы бойынша эпидемиологиялық жағдай қолайсыз болып тұр. Қызылша ауруының 1148 дерегі тіркелген, соның ішінде 476 (41,4%) зертханалық тексеріспен расталды. 2018 жылы Атырау облысында қызылша ауруын жұқтырғандар тіркелген жоқ.
Бүкіл әлемдік денсаулық сақтау ұйымының дерегі бойынша өткен жылы әлемдегі 138 елде (ауру туралы есеп беретін 184 елдің ішінен) 319 мың қызылша ауруы дерегі тіркелген, оның ішінде ДДСҰ Еуропалық аймағындағы 53 елдің 47-сінде 70 мыңнан астам адам қызылша жұқтырған.
17.01.2019
-
Тікұшақ апатына қатысты тергеу жұмыстары басталды
Астана, BAQ.KZ. Алматыда көліктегі ПД қызметкерлері Sky service компаниясының Eurocopter 130 тікұшағының апатына байланысты тергеу жұмыстарын бастады.
17.01.2019
-
Қарағанды базарларында жұмысқа орналастыру бөлімшелері ашылуда
Қарағанды, BAQ.KZ тілшісі. Қаланың халық көп жүретін сауда орындарында жұмыссыз азаматтарға жұмыс тауып беру бағытында бірнеше пункттер ашылды. Бұл жерлерде «екі қолға бір күрек» іздеп, нәпаққа табу үшін базар жағалаған жандарға кеңес беріліп, көмек көрсетіледі. Базар маңында арба сүйретіп, қап көтергендер жұмыспен қамту бөлімшесінің мамандарынан тұрақты жұмыс орындары жайлы ақпарат алып, не болмаса өз ісін қалай бастауға болатындығы жайлы біле алады.
«Қарағанды облысының әкімі Ерлан Қошановтың тапсырмасы бойынша жұмысқа орналастыру пунктін ашу жөніндегі жұмыстар жалғасын табуда. Осыдан бір апта бұрын, 10 қаңтарда «Шығыс-1» базарында қаламыздағы бірінші жұмысқа орналастыру пункті ашылды. Міне бүгін «Арай» және «Алтын Арба» базарларында жұмысқа орналастыру бөлімшелері ашылуда», - дейді «Қарағанды қаласы әкімдігінің халықты жұмыспен қамту орталығы» КММ-нің директоры Нұркен Баянов.
Статистикалық мәліметтер Қарағанды қаласындағы халық саны 500 мыңнан асып жығылса, оның 22,4 пайызын жастар құрайтындығын көрсетеді. Осы жастардың 5,3 пайызы жұмыссыз. Жастардың жұмыссыздығының басты себебі – олардың арнаулы білімінің және жұмыс тәжірибесінің жоқтығында. Бітірген оқуы, мамандығы жоқ жастар еріксіз базар жағалап, қара жұмысқа да жегілетіндігі жасырын емес. Базарда еңбек ететін жастардың тұрақты жұмыс тауып, уақытылы еңбекақыларын алып отырулары да екі талай. Осы жас азаматтарды жұмысқа орналастыру бағытында кешенді шаралар жүзеге асырылуда.
«Қазіргі таңда өзін-өзі жұмыспен қамтыған жастарды тұрақты жұмысқа орналастыру жөніндегі мәселелер жиі туындап отыр. Тек орта білімі ғана бар, арнаулы оқу орнын аяқтамаған жастардың «Халықты жұмыспен қамту орталығы» арқылы оқуға немесе қайта оқу мүмкіндігі бар, әрі бұл ретте мемлекет шәкіртақы төлейді. Тұрақты және уақытша жұмыс орындарына жұмысқа орналасуға болады. Қарағандылықтарға ыңғайлы болуы үшін «Халықты жұмыспен қамту орталығының» жұмысқа орналастыру пунктері дүйсенбіден басқа күндері күн сайын сағат 9:00-ден 18:30-ға дейін жұмыс істейді. Жұмысқа орналастыру пунктінің негізгі мақсаты жастарды нәтижелі еңбекпен қамтуға жәрдемдесу және оларды кәсіпкерлікпен айналысуға тарту, еңбегіне лайықты төлем төленетін қолайлы жұмыс ұсыну», - дейді Н.Баянов.
Жұмысқа орналастыру пунктінің қызметкерлері жастарға «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасының негізгі басымдықтары туралы» ақпарат беріп, мемлекеттік қолдау құралдарын пайдалануды түсіндіреді. Еңбек нарығындағы сұранысқа ие кәсіби дағдылар мен біліктіліктерді алу сұрақтары бойынша ақпараттық көмек көрсетіп, өз ісін ашу мен дамыту үшін шағын несиелер алуға жәрдемдеседі.
«Базарда қасапшы болып жұмыс жасаймын. Шағын несие алып, өз ісімді бастасам деген арманым бар еді. Осындағы жұмыспен қамту бөлімшесінің қызметкерлері несие алудың жолдарын түсіндірді, кеңес берді. Болашақта мақсатыма жетемін деген үмітім артты», - дейді «Арай» базарының қасапшысы Еркін Ысмағұл.
«Халықты жұмыспен қамту орталығы» бүгінде Қарағанды қаласының 467 кәсіпорыны мен ұйымдарында 1345 бос жұмыс орнының бар екендігі жайлы мәлімет ұсынды. Жұмыссыздар инженер, ревизор, редактор, аудармашы, дәрігер, медицина бөлімінің меңгерушісі, мұғалім және басқа да мамандықтар бойынша жұмысқа орналаса алады. Сондай-ақ орта білімі бар мамандар үшін де бос орындар ұсынылған. Арнаулы білімі бар азаматтарға тігінші, слесарь, электр-газбен дәнекерлеуші, электр монтер, токарь, автокран машинисті, доңғалақ ауыстырушы, ғимаратқа қызметке көрсету бойынша жұмысшы және тағы да басқа мамандықтар бойынша бос жұмыс орындары ұсынылған.
Жібек Мұқашева
Фото: автор
17.01.2019
-
«Нұр Отан» партиясының XVIII Съезі өтеді
Астана, BAQ.KZ. Осы жылдың 27 ақпанында «Нұр Отан» партиясының кезекті XVIII Съезі өтеді. Бұл туралы партия Төрағасының Бірінші орынбасары Мәулен Әшімбаев өзінің facebook-тегі парақшасында жазды.
17.01.2019
-
СІМ мен АШМ инвестициялар мен экспорт жұмыстарын нығайтуда
Астана, BAQ.KZ. Премьер-министрдің орынбасары – Ауыл шаруашылығы министрі Өмірзақ Шөкеев пен Сыртқы істер министрі Бейбіт Атамқұлов қазақстандық ауыл шаруашылығы өнімдерін экспорттауды ынталандыру және экономиканың агроөнеркәсіптік секторына инвестиция тарту мәселелерін талқылады. Бұл туралы СІМ б
17.01.2019
-
Оразкүл Асанғазы: Жиналыстарың – орысша, қағаздарың – орысша
Астана, BAQ.KZ тілшісі. Қоғам қайраткері, тіл жанашыры Оразкүл Асанғазы елімізде қазақ тілі мәселесі əлі де өзекті екенін айтты.
17.01.2019
-
Маңғыстау облысында дабылды ескерту жарияланды
Астана, BAQ.KZ. Синоптиктер Маңғыстау облысы бойынша дабылды ескерту жариялады.
«17 қаңтардың сағат 21-ден 18 қаңтар сағат 21-ге дейінгі аралықтаМаңғыстау облысы бойынша кей жерлерде тұман, көктайғақ, солтүстік батыстан желдің күшеюі 15-20 м/с күтіледі. Ақтау қаласында түнде және таңертең тұман күтіледі. Күндіз солтүстік батыстан желдің күшеюі 15-20 м/с. Дабылды ескертудің ықтималдылығы 90-95 %», - делінген «Қазгидромет» РМК таратқан хабарламада.
17.01.2019
-
Көкшетауда жарық бағасы арзандады
Көкшетау.Baq.kz тілшісі. Елбасының тапсырмасына орай Көкшетауда жарық бағасы арзандады. Бұған дейін көкшетаулықтар электр энаргиясына 15 теңге 46 тиын төлеп келген болса, жаңа тариф бойынша 14 теңге 99 тиын төлейтін болады.
Табиғи монополияларды реттеу, бәсекелестікті және тұтынушылардың құқықтарын қорғау комитетінің Ақмола облысы бойынша департаменті жетекшісінің орынбасары Әсет Құрашевтің айтуынша, өңір басшысының өкімімен 2018 жылдың 23 қарашасынан бастап тарифтерді төмендету бойынша арнайы жұмыс тобы құрылып, Табиғи монополияларды реттеу, бәсекелестікті және тұтынушылардың құқықтарын қорғау комитетінің Ақмола облысы бойынша департаментімен бірлесіп ауқымды жұмыстар атқарылғанын айтады.
«Энергия тасымалдаушы «Көкше Энерго Центр» ЖШС жарық төлемін арзандатты. Тұрғындар 1 кВтч үшін 15,46 теңгеден 14,99 теңгеге арзан төлейді» - дейді Ә.Құрашев.
«Көкше Энерго» ЖШС өңірдегі үш аудан мен Көкшетау қаласын және Солтүстік Қазақстан облысының бес ауданын жарықпен қамтып отыр. Электр желілерінің орташа қашықтығы 16,55 мың шақырым. 163000 тұтынушы қызмет көрсетіледі.
«Ветер Инвест Кокшетау» жауапкершілігі шектеулі серіктестігі Көкшетаудың іргесіндегі Красный Яр селосында жел электр станциясын салуда. Жаңа жоба селоны толықтай электр қуатымен қамтамасыз етуге қауқарлы екенін айтады мамандар.
Өңірдегі АРЭК-Энергосбыт» ЖШС тұтынушылары 7,8 пайызға арзан төлесе, тұрғындар 1 кВтч үшін 16,02 теңге төлейтін болады. Степногорлықтар үшін энергия тарифі 13,44 теңгеден 11,96 теңгеге арзандайды.
«Өңірде Елбасы Жолдауынан туындайтын міндеттер табысты жүзеге асырылуда. Жалпы, қысқа мерзім ішінде департамент өкілдері өңір тұрғындары үшін коммуналдық төлемдерді 2,5 миллиард теңгеге арзандатуға қол жеткізіп отыр. Осы ретте, тарифтердің төмендеуі көрсетілетін қызмет сапасына кері әсерін тигізбеуі тиіс», - дейді Әсет Құрашев.
Әсем Ұланқызы
17.01.2019
-
Петропавл көшелерін су басты
Солтүстік Қазақстан, BAQ.KZ тілшісі. Көше бұзақылары Петропавл тұрғындарын әуреге салды. Белгісіз біреулер Жамбыл және Порфирев көшелерінің қиылысында орналасқан жылу құбырының кранын ашып кеткен. Салдарынан аталған аумақ шалшыққа айналды.
Ашық қалған краннан бірнеше сағат бойы ыстық су аққан. Көше буға, жол суға толған. Жайсыздықты аңғарған тұрғындар апаттық қызметке хабарласқан.
«Жұмыстан келе жатсам, көше буға айналған. Не болып жатқанын түсінбей қалдым Жақындап келіп қарасам, ыстық су ағып жатыр. Бірден апаттық қызметке хабарладым. Шақыртуға келген мамандар кранды біреулер ашып кеткенін айтты. Көшедегі кранды ашып кеткендердің әрекетіне таң қаламын. Осыдан не ұтты екен? Екіншіден, кранды кез келген адам ашып кетпейтіндей етіп жасау керек қой», - дейді Петропавл қаласының Тұрғыны Еркегүл Есмағұлова.
Аққан суды тоқтатып, туындаған жайсызжықтың салдарын жою үшін мамандар 6 сағат бойы жұмыс істеді. 8 адам мен 6 техника жұмылдырылды.
«Мамандар шақыртуға дер кезінде жетті. Күннің суығында біраз қиналғандары рас. Алаңдауға еш негіз жоқ. Олқылық жойылды. Ешкімнің ыстық суға күйіп қалмағаны қуантады», - дейді Петропавл қалалық құрылыс бөлімінің жетекші маманы Ермек Рақымжанов.
Қазір апаттық жағдайдың туындау себебі анықталуда.
Эльмира Кәленова
Фото автор
17.01.2019
-
ҚР Қаржы министрлігінде екі комитет басшысы тағайындалды
Астана, BAQ.KZ. Қазақстан Республикасы Қаржы министрінің бұйрығымен Айдын Жұмабекұлы Ашуев Мемлекеттік сатып алу жөніндегі комитеттің төрағасы қызметіне, Ербол Шырақбайұлы Қарашүкеев — ҚР ҚМ Қазынашылық комитетінің төрағасы қызметіне тағайындалды, деп хабарлады primeminister.kz.
Айдын Ашуев 1976 жылы Алматы қаласында дүниеге келген. Қазақ мемлекеттік басқару академиясын, Қаржы академиясын бітірген. Еңбек жолын 1995 жылы бастаған. Әртүрлі жылдары коммерциялық секторда, "Экспорттық кредиттер мен инвестицияларды сақтандыру жөніндегі мемлекеттік сақтандыру корпорациясы" АҚ, "Ұлттық зияткерлік меншік институты" РМҚК, "ҚазАгро "Ұлттық холдингі" АҚ, "ҚазАгрогарант" АҚ, ҚР Статистика агенттігінде жұмыс істеді,оның ішінде "Ақпараттық есептеу орталығы" РМК басқарды. 2016 жылдан бастап осы уақытқа дейін "Амангелді Газ"ЖШС Бас директорының экономика және қаржы жөніндегі орынбасары қызметін атқарды.
Ербол Қарашүкеев 1976 жылы Алматы облысында дүниеге келген. Әл-Фараби атындағы Қазақ мемлекеттік ұлттық университетін, Қазіргі заманғы гуманитарлық институтты бітірген. Статистика агенттігінде, "Ауыл шаруашылығын қаржылай қолдау қоры" АҚ, Қаржы министрлігінде, республикалық бюджеттің атқарылуын бақылау жөніндегі есеп комитетінің "Қаржылық бұзушылықтарды зерттеу орталығы" РМК-да, "Қазақстанның Тұрғын үй-құрылыс жинақ банкі" АҚ-да және т.б. қызметтер атқарды.
2016 жылдан бастап, тағайындалғанға дейін - ҚР Президенті Әкімшілігінің Әлеуметтік-экономикалық мониторинг бөлімі меңгерушісінің орынбасары қызметін атқарып келді.
17.01.2019
-
Өскеменде әйгілі шебер Жолаушы Тұрдығұловпен кездесу өтті
Өскемен, BAQ.KZ. Бүгін Өскемендегі Орталық қалалық кітапханада ұлттық саз аспаптарын жасаудың хас шебері, ҚР мәдениет қайраткері, ҚР Суретшілер одағының мүшесі Тұрдығұлов Жолаушы Әбілғазыұлымен кездесу өтті.
17.01.2019
-
Алматыда тікұшақ құлап, пилот қаза тапты
Астана, BAQ.KZ. Алматыда "Алатау" санаториясы аумағында жеке тікұшақ құлады, деп хабарлайды ҚР ІІМ ТЖК баспасөз қызметі.
"17 қаңтардда сағат 16:05 Алматы қаласы Наурызбай ауданы Тау самалы шағын ауданындағы "Алатау" санаториясының ашық аумағында "Sky Service" әуекомпаниясының Еврокоптер-130 маркілі жеке тікұшағы құлады. Бортта 1968 жылы туған пилот болған. Ол жедел жәрдем машинасында қайтыс болды", - делінген хабарламада.
Тікұшақ Боралдай-Үлкен Алматы өзені бағытында ұшып келе жатқан. Индустрия және инфрақұрылымдық даму министрлігінің Азаматтық авиация комитеті осы апат бойынша тергеу жұмыстары басталғанын хабарлады.
"Sky-service" компаниясының "Еврокоптер-130" тікұшағы (UP-EC038 борт нөмірлі) Боралдай әуежайынан ұшып, "Үлкен Алматы" айналасында қонғанға дейін апатқа ұшырады. Әуе кемесінің бортындағы пилот-командир Шитов Валентин Викторовичті тапқанда тірі болған. Ол жедел жәрдем машинасымен ауруханаға бара жатқан кезде жол үстінде қайтыс болды. ҚР ИИМ мен көлік апаттарын тергеу департаменті тергеуді бастап кетті" , - деді Азаматтық авиация комитеті
17.01.2019
-
ҚР СІМ хатшысы тағайындалды
Астана, BAQ.KZ. ҚР Сыртқы істер министрлігінің жауапты хатшысы тағайындалды. Бұл туралы Ақорданың баспасөз қызметі хабарлады.
17.01.2019
-
Тиынға төмендеген тарифтер
Тараз, BAQ.KZ тілшісі. Мемлекет басшысы Нұрсұлтан Назарбаев өткен жылдың қараша айында өткен Қауіпсіздік кеңесінің отырысында елдегі тарифтерді төмендету бойынша үкіметке нақты тапсырмалар берген болатын. Бұл мәселе үкіметтің кезекті отырыстары мен ел өңірлеріндегі жергілікті атқарушы биліктің жиын-кеңестерінде қызу талқыланып, оны жүзеге асыру бойынша шаралар қабылданды.
17.01.2019
-
Ақтөбелік жастар тұрғын үймен қамтамасыз етіледі
Астана, BAQ.KZ. Бұл туралы Өңірлік коммуникациялар қызметінде өткен баспасөз конференцияда облыстық жастар саясаты мәселелері басқармасының басшысы Нұрлан Күнтуов мәлімдеді.
Спикердің айтуынша, бұл бағыт Елбасымыз жариялаған Жастар жылы аясында жүзеге асырылып, жүздеген жас ақтөбеліктерді тұрғын үймен қамтамасыз етуге бағытталған.
«Қазіргі уақытта жастар үшін өзекті мәселелердің бірі - өз баспанасының болмауы болып тұр. Осыған байланысты Ақтөбе облысы әкімінің тапсырмасына сай, Ақтөбе қаласының әкімдігі, облыстық жастар саясаты мәселелері басқармасы «Тұрғын үй құрылыс жинақ банкі» АҚ-мен бірлесе отырып, жастар мен жас отбасыларды тұрғын үймен қамтамасыз ету бойынша бағытты іске асыруға кірісті», - деді Нұрлан Күнтуов.
Аталмыш бірегей бағдарламаға 29 жасқа
дейінгі облыс тұрғындары қатыса алады. Олар ауданы 40-50 шаршы метр болатын 1
бөлмелі пәтерлерге үміткер бола алады, бұл ретте тұрғын үй алаңы үшін бастапқы
жарна көлемі орташа есеппен 350 мың теңгені, ал ай сайынғы төлем 35 мың теңгені
құрайды.
17.01.2019
-
Денис Тенді өлтіргендерге қатысты сот үкімі шықты
Алматы, BAQ.KZ, тілшісі. Алматыдағы ауданаралық қылмыстық сотта Денис Теннің өліміне қатысты іс мәресіне жетті. Соттың үкімімен айыпталушылар 18 жылға дейін бас бостандығынан айырылды.
Соттың айыптау үкімімен Арман Құдайбергенов пен Нұралы Қиясовты 18 жылға бас бостандығынан айыру жазасы кесіліп, қауіпсіздігі барынша жоғары мекемеде қамау талап етілді.
Ал, Жанар Толыбаеваны 4 жылға бас бостандығынан айыру үкімі айтылып, оны да қауіпсіздігі жоғары мекемеге қамауды талап етті.
Сондай-ақ, Арман Құдайбергенов пен Нұралы Қиясовқа 30 АЕК көлемінде, Ж. Толыбаеваға 20 АЕК көлемінде қаржылай айып өндіруге міндеттелді.
Еске салсақ, 2018 жылдың 19 шілдесі күні мәнерлеп сырғанаушы Денис Тен пышақ жарақатынан көз жұмған болатын. Көп ұзамай сотталушы Нұралы Қиясов, Арман Құдайбергенов және Жанар Толыбаева қамауға алынған еді.
Әділет МҰСАХАЕВ
17.01.2019
-
Мемлекеттік қызметшілердің іс-сапар құжаттарын тапсыру жеңілдетілді
Астана, BAQ.KZ тілшісі. Мемлекеттік қызметшілер мен квазимемлекеттік сектор қызметкерлері іссапарда болғаны тек жол жүру билетін немесе отырғызу талонын тапсыру арқылы растай алады. Бұл туралы Мемлекеттік қызмет және сыбайлас жемқорлыққа қарсы іс-қимыл агенттігінің сыбайлас жемқорлыққа қ
17.01.2019
-
Еліміздің үш өңірінде жел күшейеді
Астана, BAQ.KZ. Алдағы күндері республиканың бірнеше аймағында желдің екпіні күшейіп, бұрқасын болады деп болжайды «Қазгидромет» РМК мамандары.
18 қаңтарда Қостанай облысының кей жерлерінде бұрқасын, тұман, көктайғақ, оңтүстік-батыстан жел 15-20 м/с күтіледі.
Қостанай қаласында 18 қаңтарда көктайғақ, жел оңтүстік-батыстан 15-20 м/с күтіледі.
Сондай-ақ 18-20 қаңтарда Қызылорда облысының кей жерлерінде тұман, көктайғақ сақталады.
18 қаңтарда Түркістан облысының тұман, күндіз басым бөлігінде оңтүстік-батыстан 15-20, кей жерлерде екпіні 23-28 м/с желдің күшеюі күтіледі.
Шымкент қаласында күндіз оңтүстік-батыстан 15-20, күннің екінші жартысында екпіні 25 м/с желдің күшеюі мүмкін.
Түркістан аласында күндіз оңтүстік-батыстан 15-20, екпіні 25 м/с желдің күшеюі күтіледі.
Дабылды ескертудің ықтималдылығы 90-95 %
17.01.2019
-
Футболдан ұлттық құраманың бас бапкері қызметінен кетті
Астана, BAQ.KZ. Ұлттық құраманың бас бапкері Станимир Стоилов қызметінен кетті, деп хабарлайды ҚФФ баспасөз қызметі.
«Қазақстан футбол федерациясы мен Ұлттық құраманың бас бапкері Станимир Стоилов екі жақты келісім бойынша еңбек шартын үзді. Болгариялық маман Станимир Стоилов Қазақстан Ұлттық құрамасын 2018 жылдың наурызынан бері басқарып келген еді. Оның жетекшілігімен біздің құрама үш жолдастық матч өткізіп, УЕФА-ның жаңа турнирі - Ұлттар Лигасына қатысты. Сонымен қатар, жастар құрамасынан бірнеше ойыншыны шақыру арқылы ұлттық құраманы жасартты» делінген федерацияның Инстаграм парақшасында жарияланған хабарламада.
Сондай-ақ, Қазақстан футбол федерациясы Станимир Стоилов пен оның жаттықтырушылар штабына қазақстандық футболды дамытуға қосқан үлесі мен атқарған еңбегі үшін алғыс білдірді.
17.01.2019
-
Қарағандыда қатты қаптамасы бар дәрілер өндірісі іске қосылды
Астана, BAQ.KZ. Қарағандылық фармацевттер жаңа теxнологиялар енгізді. «Фитохимия» Халықаралық ғылыми-өндірістік xолдингі елімізде алғашқылардың бірі болып қатты қабығы бар дәрілер өндірісін іске қосты, деп хабарлайды өңір әкімінің баспасөз қызметі.
«2016 жылы қарағандылық ғалымдар аталмыш жобамен байқауды жеңіп, нәтижесінде Ғылым қорымен 100 млн теңге бөлінді. Препаратты бірден «Арглабин нативный» жұмыс атауымен тіркеді. Қазіргі таңда ол клиникалық сынақтан өтіп жатыр. Дегенмен қазірдің өзінде аталмыш иммунтүрлендіруші шет елдік баламаларынан кем түспейді деп айтуға болады. Бұған қоса оның өзіндік артықшылығы бар – оның құны импорттық дәрілерден анағұрлым арзанырақ», – деді «Ғылым қоры» АҚ басқарма төрағасы Әнуарбек Сұлтанғазин.
«Фитохимия» ХҒӨХ бас директоры Серғазы Әдекеновтың айтуынша, таныстыруға келген израилдік фармацевтер мен бизнесмендер қарағандылықтармен серіктестік орнатуға қызығушылық танытуда. Келешекте олар осында дәрілік субстанция алып келіп, қатты қаптамамен қаптап, Қазақстанда тіркейді және xалықаралық нарыққа жылжытады.
Қатты қаптамадағы дәрілер ішуге ыңғайлы, себебі дәрмектің ащы дәмі сезілмейді. Сонымен қатар бағытты әсер етуінің арқасында дәрінің тиімділігі артады.
«Бүгінгі таңда Қарағандыда 17 кәсіпорынды біріктіретін фармацевтикалық кластер сәтті жұмыс істеуде. Кластердің ең басты өлшемшарттарының бірі инновациялық теxнологияларды енгізу болып табылады», – деп атап өтті Серғазы Әдекенов.
«Ғылым қоры» АҚ «Фитохимия» ХҒӨХ» АҚ бірлесіп «Тұпнұсқалы иммунтүрлендіруші дәрмекті өндіруді және жаңа сынақ препараттарын шығаруды ұйымдастыру» атты гранттық инновациялық жобаны жүзеге асыруда.
17.01.2019
Наверх
Атырау облысында екпе алмаған балалар қызылшаға шалдығып жатырАстана, BAQ.KZ. Ауырған балалардың 85 пайызы 14 жасқа дейінгілер,-деп хабарлайды Атырау облыстық Өңірлік коммуникациялар қызметі. Атырау облыстық қоғамдық денсаулық сақтау басқармасының басшысы Темірбек Мұсағалиевтің айтуынша, қазір қызылшаға шалдыққан балалардың денсаулықтары қалыпты, күн сайын медициналық күтім жасалады. "Ауырғандар арасында бір жасқа толмаған нәрестелер бар, олар вакцинациядан өтпеген, медициналық көрсеткіштер бойынша екпе алмаған және екпе салдырудан бас тартқан. Сондықтан ата-аналарды балаларының денсаулықтарына жауапкершілікпен қарап, вакцина инфекциялық контагиоздық аурулардың алдын алатынын ескерте отырып, екпеден бас тартпауға шақырамыз. Вацинация қоры бізде жеткілікті, тұрғылықты мекен-жайы бойынша кез келген емханаға барып, тегін екпе салдыруға болады", - дейді Темірбек Мұсағалиев. Аймақта қазір осы жағдай жіті бақылауда. Өткен жылдың қазан айында жұмыс тобы құрылды. Бүгінге дейін мамандар облыстың барлық аудандарына барып, ақпараттық-түсіндірме жұмыстарын жүргізді, тұрғындар мен медицина қызметкерлеріне сақтық шаралары жайында айтты, мектептерде, интернат, балабақшаларда болды, сондай-ақ емханаларда , стационарлық бөлімдерде арнайы кабинеттердің жабдықталуын қадағалады. Осындай жұмыстардың нәтижесінде бұрын бас тартып келген 752 бала қызылшаға қарсы екпе алды. Жалпы елімізде қазір қызылша ауруы бойынша эпидемиологиялық жағдай қолайсыз болып тұр. Қызылша ауруының 1148 дерегі тіркелген, соның ішінде 476 (41,4%) зертханалық тексеріспен расталды. 2018 жылы Атырау облысында қызылша ауруын жұқтырғандар тіркелген жоқ. Бүкіл әлемдік денсаулық сақтау ұйымының дерегі бойынша өткен жылы әлемдегі 138 елде (ауру туралы есеп беретін 184 елдің ішінен) 319 мың қызылша ауруы дерегі тіркелген, оның ішінде ДДСҰ Еуропалық аймағындағы 53 елдің 47-сінде 70 мыңнан астам адам қызылша жұқтырған.17.01.2019
Тікұшақ апатына қатысты тергеу жұмыстары басталдыАстана, BAQ.KZ. Алматыда көліктегі ПД қызметкерлері Sky service компаниясының Eurocopter 130 тікұшағының апатына байланысты тергеу жұмыстарын бастады.17.01.2019
