Қордайдағы төбелес: Тоқаев бірқатар лауазымды тұлғаны қызметінен босатуды тапсырды

10 Ақпан 2020, 13:36
2300
Бөлісу:
Қордайдағы төбелес: Тоқаев бірқатар лауазымды тұлғаны қызметінен босатуды тапсырды

Нұр-Сұлтан, BAQ.KZ. Мемлекет басшысы Қасым-Жомарт Тоқаев бірқатар лауазымды тұлғаны жауапкершілікке тартуды тапсырды, деп жазды Ақорданың баспасөз қызметі.

ҚР президенті Қасым-Жомарт Тоқаев Жамбыл облысының әкімі А.Мырзахметовке Жамбыл облысы, Қордай ауданында кісі өліміне, тұрғын үйлердің қирап, азаматтардың дүние-мүліктерінің бүлінуіне әкеп соқтырған оқиғаға байланысты облыс әкімінің әлеуметтік мәселелер жөніндегі орынбасары С.Құрманбекованы және Қордай ауданының әкімі Б.Байтөлені жұмыстарына салғырт қарағаны үшін қызметінен босатуды тапсырды.  

Сонымен қатар мемлекет басшысы ҚР ішкі істер министрі Е.Тұрғымбаевқа Жамбыл облысы полиция департаментінің бастығы А.Оразалиевті және Қордай аудандық полиция бөлімінің бастығы А.Айқымбековті қызметінен алуды тапсырды. 

Өзгелердің жаңалығы