Нұр-Сұлтаннан Жидебайға дейін. Бұқар жырау басында

21 Маусым 2021, 09:12
5179
Бөлісу:
Нұр-Сұлтаннан Жидебайға дейін. Бұқар жырау басында
PHOTO
Фото: автордан

Нұр-Сұлтан, BAQ.KZ тілшісі. 19 маусым күні таңертең Жаңатілек ауылының әкімі Қуаныш Шалбаев экспедиция мүшелеріне сәт-сапар тілеп, өзі ауыл тұрғындарымен бірге тасаттық беруге кетті. Біз Бұқар жырау кесенесін бетке алып жолға шықтық. 

Қазақстан Тәуелсіздігінің 30 жылдығына орай Ұлттық ат федерациясы ұйымдастырған Нұр-Сұлтаннан Жидебайға дейін баратын тарихи экседиция мүшелері бүгін 30 шақырым жол жүріп, Бұқар жырау кесенесіне бару керек. Бұл бағдар осы сапар барысындағы ең жақын қашықтық. 

Нұр-Сұлтаннан Жидебайға дейін. Бұқар жырау басында

Сонымен Жаңатілектен жолға шықтық. 

Нұр-Сұлтаннан Жидебайға дейін. Бұқар жырау басында

Қарсы жауған жаңбырға қарамастан аттар ширығып, жақсы жүріп келеді. Айкен тауына іліктік. Алыстан бір шаруашылық көрінді. Экспедиция жетекшісі Берік Ақылбеков бұрыла кетейік деді. 

Нұр-Сұлтаннан Жидебайға дейін. Бұқар жырау басында

Шаруашылық қызметкері Мұрат деген азамат қарсы алды. 

Қайда барсаң да дайын тұратын қазақтың дастарханы бұл үйде де алдымыздан шықты. Сары қымыз сапырылып, күрең шай келді алдымызға. 

Нұр-Сұлтаннан Жидебайға дейін. Бұқар жырау басында

Біздің елде әлі толық дамымаған күн электр энергиясын осы шаруашылық жанынан көрдік. 

Нұр-Сұлтаннан Жидебайға дейін. Бұқар жырау басында

Қанжығамызға қымыз құйған құтыларын байлап беріп, Айкен тауынан асар жолды көрсетіп жіберді. 

Нұр-Сұлтаннан Жидебайға дейін. Бұқар жырау басында

Айкеннен асқанда алдымыздан Ертісбай қыстағы көрінді. Мұнда да қытай мотоциклін мінген малшылар жүр. 

Нұр-Сұлтаннан Жидебайға дейін. Бұқар жырау басында

Жер күдір. Аттар әрең жүреді. Біз үшін бір жақсысы - жердің құрғақтығы. 2019 жылғы сапарда айналып өтіп, не ат бауырынан саз кешкен жерлер биыл қағы шығып жатыр.

Дегенмен бүгінгі жаңбыр дым бүріккендей әсер етіпті. Алыстан, солтүстік шығыс жақтан кешегі өрттің орны қарақожалақ болып көрініп жатыр. Сөндіріліпті әйтеуір. 

Нұр-Сұлтаннан Жидебайға дейін. Бұқар жырау басында

Бұқар жырау кесенесінде бізді Қарағанды облысы Бұқар жырау ауданының Мәдениет және құжаттама басқармасының басшысы мен Бұқар жырау ауылының әкімі қарсы алды. Ауыл әкімі Ерлан Өзденов экспедиция мүшелері атынан Бұқар жырау аруағына бағыштап құрбан шалды. 

Нұр-Сұлтаннан Жидебайға дейін. Бұқар жырау басында

Сонымен қатар салт аттылар кесене жанындағы Бұқар жырау музейін және шағын кітапхананы аралап, тілек кітапшасына қолтаңбаларын қалдырды. 

Нұр-Сұлтаннан Жидебайға дейін. Бұқар жырау басында

Нұр-Сұлтаннан Жидебайға дейін. Бұқар жырау басында

Біз кесененің шырақшысы Әлихан Уәлиевтің үйіне қондық. Ертең Бұқар жырау кесенесінен Қоянды жәрмеңкесінің жұртына қарай жолға шығамыз. Бұл бағдар осы сапар барысындағы ең алыс жол болмақ. 90 шақырымға таяу. 

Нұр-Сұлтаннан Жидебайға дейін. Бұқар жырау басында

Естеріңізге сала кетейік, Қазақстан Тәуелсіздігінің 30 жылдығына орай Нұр-Сұлтан қаласынан Жидебайға дейін баратын тарихи сапардың бас ақпараттық демеушісі - BAQ.KZ ақпарат агенттігі.

Өзгелердің жаңалығы