Министрлік Ұлттық аударма бюросымен неге соттасып жатқанын айтты

12 Қаңтар 2021, 14:58
1787
Бөлісу:
Министрлік Ұлттық аударма бюросымен неге соттасып жатқанын айтты

Нұр-Сұлтан, BAQ.KZ тілшісі. Орталық коммуникациялар қызметінде оқу жылының үшінші тоқсаны тақырыбында өткен онлайн брифинг кезінде ҚР Білім және ғылым министрлігі мен Ұлттық аударма бюросы арасындағы дауға қатысты айтылды.

Ұлттық аударма бюросымен арадағы даудың жай-жапсарын түсінідіріп беріңізші. Әлеуемттік желіде Рауан Кенжехан ведомствоның үстінен сотқа шағымданатынын айтты. Ұйыммен арадағы келісімшартты бұзып, істелген жұмыстың ақшасын толық өтеуден бас тартуларыңызға нақты не себеп болып отыр? – деп журналист сауал жолдады.

Бұл жоба 2017 жылдан бастап әлемде жарық көрген оқулықтармен қамтамасыз ету мақсатында қарастырылған. Бұл жобаның аясында 100 оқулық аударылып, ЖОО-дарына таратылған болатын. Жақында өткен тиісті тексеру жүргізу барысында министрлік пен қор арасында жасалған шартта техникалық сипаттағы белгілі бір сәйкессіздіктер анықталды. Егер белгілі бір сәйкессіздіктер болса, онда міндетті түрде сотқа жүгінетін боламыз. Сотқа жүгініп отырмыз. Қор тарапы да сотқа жүгініп отыр. Осы тұрғыда шешім шыққан соң шартты міндеттерді орындауға біз дайынбыз, - деп жауап берді ҚР Білім және ғылым министрлігінің жоғары оқу орнынан кейінгі білім беру департаментінің директоры Әділет Тойбаев.
Сондай-ақ, брифинг барысында ҚР Білім және ғылым вице-министрі Мирас Дәуленов аталған сұрақты толықтырды.
Нюанстар сотта шешіледі. Көп сұрақтардың нүктесі сотта қойылады. Бұл жерде айтқым келетіні, аталған жоба бойынша шарт бар. Сондай-ақ, белгілі бір сұрақтар да бар. Осы бойынша тиісті тексеріс жүргізілді. Енді аталған мәселе бойынша сот нақты нүктесін қояды, - деп толықтырды ол.

Айта кетейік, «Ұлттық Аударма бюросы» қоғамдық қорының атқарушы директоры Рауан Кенжеханұлы 6 қаңтарда жасалған жұмыстың ақысы министрлік тарапынан төленбегенін жазған болатын.



Өзгелердің жаңалығы