Бас жаңалықтар
Мемлекет басшысы "ЛУКОЙЛ" президентін қабылдады
10 Желтоқсан 2019, 17:28 3796

Мемлекет басшысы "ЛУКОЙЛ" президентін қабылдады

Нұр-Сұлтан, BAQ.KZ. Қасым-Жомарт Тоқаевқа мұнай компаниясының 2019 жылы Қазақстанда атқарған жұмыстарының есебі берілді. Сондай-ақ, Вагит Алекперов "Жеңіс" және "I-P-2" теңіз жобаларын жүзеге асырудың қазіргі ахуалы мен перспективалары туралы баяндады.

Ақорданың баспасөз қызметінің мәліметінше, Ресей бизнесмені Қазақстан президентіне Алматы облысында биыл қыркүйек айында ашылған "ЛУКОЙЛ" жағармай өнімдерін шығаратын зауыт жұмысының алғашқы нәтижелері жайында мәлімет берді.

Мемлекет басшысы осындай зауыт салғаны үшін Вагит Алекперовке ризашылығын білдірді.

Бұл – сіздің компанияның Қазақстан экономикасына қосқан елеулі үлесі. Мұндай бағыттағы инвестицияларға жан-жақты қолдау көрсетеміз, - деді Қасым-Жомарт Тоқаев.

Вагит Алекперов аталған өндіріс нысаны компанияның мақтанышына айналғанын атап өтті. Оның айтуынша, кәсіпорын 700-ге жуық өнім түрін шығарады және бір жарым айдың ішінде өзінің жобалық қуатына толық жетеді.


Фото: дереккөз
Загрузка...