Бас жаңалықтар
Мамыр айының басынан бері мал ұрлаған 30 топ ұсталды
24 Мамыр 2019, 11:38 379

Мамыр айының басынан бері мал ұрлаған 30 топ ұсталды

Нұр-Сұлтан, BAQ.KZ. ІІМ мал ұрлығына қатысты арнайы бап енгізуді ұсынды. Бұл туралы ІІМ баспасөз қызметі хабарлады. 

Ұрлыққа қарсы күрес тек қана полиция емес, басқа да мемлекеттік және жергілікті атқарушы органдардың күш салуын талап етеді. Соның ішінде мал ұрлығының салдары орасан, ол ауыл кәсіпкерлігіне және азаматтарға айтарлықтай шығын келтіреді.

"Соңғы үш жылда 19 мыңнан астам мал ұрлығы орын алған. Соның салдарынан 60 мыңнан астам бас қолды болды. Қожайындарына 30 мыңнан астам бал басы қайтарылды. Алайда, полицияның алдын алу, ұйымдастыру және практикалық іс-шаралары бұл қылмыстың түрін түбегейлі жоюға жеткіліксіз. Сондықтан, ауыл тұрғындары үшін ауыр тиетін мал ұрлығына жазаны күшейту мақсатында ІІМ Қылмыстық Кодекске осы қылмыс түріне арнайы бап енгізу туралы бастама көтерді. Сәйкесті заң жобасы таяу уақытта Парламенттің қарауына енгізіледі", - делінген таратылған ақпаратта. 

Сондай-ақ ІІМ мал ұрлығының алдын алу бағытында кең көлемді жедел іс-шаралар өткізуде. Мамыр айында «Мал ұрлығы» операциясының кезекті кезеңі өткізілді. Шара кезінде полиция қызметкерлері шаруашылықтар, мал жайылымдары пункттері және фермалар, малды автокөлікпен тасушылар тексерілді, сонымен бірге мал сату, сатып алу, ет өнімдерін сату нүктелері қадағалауға алынды. 

"Операция барысында 159 мал ұрлығы, соның ішінде «өткен жылдарда» орын алған 57 ұрлық орын алды. Бұған қоса, 483 мал иесіне ұрланған малдар қайтарылды (180 жылқы, 103 Ірі мүйізді қара және 200 ұсақ мал). Мал ұрлығы үшін 214 адам және 30 қылмыстық топ құрықталды.
Сонымен бірге, ветеринария саласында 400-дей құқық бұзушылық, соның ішінде мал тасымалдау және ет өнімдерін сатуды тиісті құжаттарсыз іске асырғандар анықталды", - делінген ақпаратта.   


Фото: ашық дереккөз

Сізден жаңалық