Бас жаңалықтар
Мәскеуде қазақша күрестен Ресей чемпионаты өтті
18 Ақпан 2019, 11:12 683

Мәскеуде қазақша күрестен Ресей чемпионаты өтті

Астана, BAQ.KZ. Мәскеуде Ресейдің қазақша күрестен алғашқы ашық чемпионаты өтті. Бұл жөнінде ҚазТАГ ақпараттық порталы хабарлады.

«Мәскеудегі Н.Бауман атындағы ММТУ спорт кешенінде қазақша күрестен Ресейдің алғашқы ашық чемпионаты өтті», - деп хабарлады Қазақстанның Ресей Федерациясындағы елшілігінде.

Жарысқа Ресейдің 25 өңірінен 18 жастан асқан, самбо, дзюдо және басқа да аралас күрес түрлерінің ересектер арасында екінші дәрежелі 35 спортшы қатысты.

«Өте қызықты және тартысты жарыстың нәтижесінде жеңіске жеткендер: Мади Жангелдин (салмақ дәрежесі 55 кг), Азимжон Акбаров (60 кг), Мурза Урулов (66 кг), Иван Синюк (74 кг), Иван Вареница (82 кг), Александр Устинов (90 кг), Баатар Хэрлэн (100 кг), Роман Бобиков (100 кг жоғары) – ол біріншілікті жеңіп алды. Командалық есепте бірінші орынды мәскеуліктер алса, одан кейін Тверь мен Саратов облыстары сәйкесінше екінші және үшінші орындарды иеленді», - деп жазылған хабарламада.

Qazaq kuresi халықаралық федерациясы мен ресей астанасының ұлттық-мәдени бірлестіктері қолдауымен Мәскеудегі қазақ күресі федерациясы жарыстың ұйымдастырушысы болып табылады.

«Біздің мақсатымыз – Ресейде қазақша күресті дамытып, бұл жарыс түрі самбо мен дзюдо секілді олимпиадалық спорт түріне айналуына қол жеткізу», - дейді Мәскеудегі қазақ күресі федерациясының бас директоры Наиль Якубалиев.

Ол ашық чемпионатты жыл сайын өткізу жоспарланып отырғанын айтты.

«Біз тек қаза күресін ғана емес, қазақ мәдениетін де насихаттаймыз. Адамдар жарысқа келіп, қазақ мәдениетімен, дәстүрімен, салтымен танысады. Жыл сайын қазақша күрес жанкүйерлерінің саны артып келеді», - деді Мәскеудегі қазақша күрес федерациясының президенті Владимир Резанов.

Загрузка...