Бас жаңалықтар
Коронавирус жұқтырғандардың 78% әйелдер
22 Наурыз 2020, 13:48 402

Коронавирус жұқтырғандардың 78% әйелдер

Нұр-Сұлтан, BAQ.KZ. Нұр-Сұлтан қалалық қоғамдық денсаулық сақтау басқармасының басшысы Сәуле Қисықова елордада коронавирус жағдайының статистикалық деректерін жариялады. 

Бұл туралы ҚазАқпарат агенттігі хабарлады. 
2020 жылы 22 қаңтардан бастап, Нұр-Сұлтанда инфекциялық стационарлар мен провизорлық стационарлар ашылды. 28 қаңтардан бастап, онда 1942 пациент жатты. Оның ішінде 109 адам немесе 6% - 18 жасқа толмаған. 22 наурыз сағат 10.00-дегі жағдай бойынша 1234 адам коронавирус күдігімен стационарда жатыр. Оның 61-і - балалар, - деді басқарма басшысы «Хабар 24» телеарнасында өткен брифингте. 

Қазіргі уақытта Нұр-Сұлтанда коронавирус инфекциясының 31 жағдайы тіркелді. 30 науқас - Қазақстан азаматтары болса, 1-еуі — шетелдік.

Олардың 32% немесе 10 науқас - ер адам, 78% немесе 21 науқас - әйелдер. Жас құрылымы бойынша, 21 оқиға немесе науқастардың 68% - 30-49 жас аралығында. 18 жасқа толмаған 2 бала бар және 18-29 жас аралығындағы 3 науқас бар. 50-29 жас аралығында - 4 адам және 60 жастан асқан 1 науқас тіркелген. Науқастардың 26% немесе 8 оқиға 1А санатындағы елдерден келген рейстен түсірілген жолаушылар. 

Айта кетейік, Қазақстан Республикасы аумағында коронавирус инфекциясын жұқтырған жалпы 56 науқас тіркелді. Нұрсұлтан қаласында 31 адамда короновирус инфекциясы анықталды. Алматы қаласында - 22 адам, Қарағанды қаласында - 2, Алматы облысында 1 адам. Бұған дейін басқарма басшысы елордада Нұрсұлтан Назарбаев атындағы әуежайға келген 600-ге жуық жолаушының тексеріліп жатқанын хабарлады.





Фото: ашық дереккөз
Загрузка...