Бас жаңалықтар
Коронавирус: «Алматы-Өскемен» пойызына билет сату уақытша тоқтатылады
13 Мамыр 2021, 09:13 270

Коронавирус: «Алматы-Өскемен» пойызына билет сату уақытша тоқтатылады

Нұр-Сұлтан, BAQ.KZ. Өскемен және Ново-Өскемен станцияларында №351/352 «Алматы-Өскемен» пойызының жолаушыларын отырғызуға/түсіруге уақытша тыйым салынды.

Бұл туралы «Қазақстан темір жолы» ҰК» АҚ баспасөз қызметі хабарлады.

«Жолаушылар тасымалы» АҚ Индустрия және инфрақұрылымдық даму министрлігінің (ИИДМ) және Шығыс Қазақстан облысының (ШҚО) Жолаушылар көлігі және автомобиль жолдары басқармасының хаттарына сәйкес ШҚО бойынша коронавирустың таралуын болдырмау үшін 2021 жылғы 13 мамыр сағат 00.00-ден бастап жол жүру құжаттарын (билеттерді) сатуға, Өскемен және Ново-Өскемен станциялары бойынша «Алматы-Өскемен» бағытындағы №351/352 жолаушылар пойызына жолаушыларды отырғызуға/түсіруге уақытша тыйым салынғанын хабарлайды, - делінген хабарламада.

Жолаушылар пойыздың тоқтатылған тұрақтарына темір жол билеттерін және тасымалдау қағидаларында белгіленген мерзімде темір жол көлігімен жолаушыларды, багажды, жүк-багажды және пошта жөнелтілімдерін ақша қаражатын ұстамай, толық көлемде қайтара алады.

Жолаушылар пойыздарының жүру тәртібі туралы барлық ақпаратты «105» анықтамалық нөмірі арқылы білуге болады.

Ұлттық тасымалдаушы жолаушылардан енгізілетін шектеулерге түсіністікпен қарап, коронавирустық індеттің таралуы кезеңінде қауіпсіздік шараларын сақтауды сұрайды.


Фото: ашық дереккөз
Загрузка...
// (function (d, w, c) {(w[c] = w[c] || []).push(function () {try {w.yaCounter34776245 = new Ya.Metrika({id: 34776245,clickmap: true,trackLinks: true,accurateTrackBounce: true,webvisor: true,trackHash: true});} catch (e) {}});var n = d.getElementsByTagName("script")[0],s = d.createElement("script"),f = function () {n.parentNode.insertBefore(s, n);};s.type = "text/javascript";s.async = true;s.src = "https://mc.yandex.ru/metrika/watch.js";if (w.opera == "[object Opera]") {d.addEventListener("DOMContentLoaded", f, false);}else {f();}})(document, window, "yandex_metrika_callbacks");//