Бас жаңалықтар
Елорда күні: Кентауда Ұлы Абайға ескерткіш орнатылды
PHOTO
06 Шілде 2020, 18:01 132

Елорда күні: Кентауда Ұлы Абайға ескерткіш орнатылды

Нұр-Сұлтан, BAQ.KZ. Бүгін Түркістан облысы Кентау қаласында қазақтың ұлы ақыны Абайдың 175 жылдығына орай, Елорда күні қарсаңында еңселі ескерткіш орнатылып, ашылу салтанаты өтті.

WhatsApp Image 2020-07-06 at 12.35.15.jpeg
Түркістан облысының Өңірлік коммуникациялар қызметінің хабарлауынша, игі шараға облыс әкімінің орынбасары Сәкен Қалқаманов арнайы қатысып, кентаулықтарды құттықтады.
Елорда күніне орай Кентау қаласында бірнеше нысан ашылып отыр. Соның арасында шоқтығы биігі биыл мерейтойы аталып жатқан қазақтың мақтанышы, ұлы данышпаны - Абайға арналған ескерткіштің ашылуы. Бұл нысанның кентаулықтарға, жастарға идеологиялық, тәрбиелік мәні зор. Осында кентаулық жастар ақынның өлеңдерін, қара сөздерін оқитын болады. Бүгін қалада ашылған жаңа нысандар елдің игілігіне жарай берсін. Баршаңызды елордамыз Нұр-Сұлтан қаласы күнімен шын жүректен құттықтаймын, - деді Сәкен Амангелдіұлы.

WhatsApp Image 2020-07-06 at 12.35.19 (1).jpeg

Сондай-ақ, салтанатты шараға Кентау қаласының әкімі Д.Мақажанов, кентаулық зиялы қауым өкілдері мен ақсақалдар қатысып, жылы лебіздерін жеткізді. Жас ақындар ұлы ақынға арнап арнаулар айтты. Биіктігі 4,5 метр ескерткіш 3 метрлік тұғырға орнатылған. Жалпы биіктігі 7,5 метр, салмағы 3 тонна. Ескерткіш қала орталығындағы Абай даңғылы бойында орналасқан. Мүсін авторы – Бауыржан Жалын.

WhatsApp Image 2020-07-06 at 12.35.24.jpeg

Елорда күніне орай, сондай-ақ, Кентау қаласында "Ұстаздар аллеясы" ашылды. Жаңа нысан ұстаздар құрметіне арналып отыр. Сонымен қатар, "Еріктілер жылына" орай шаһардағы "Жастар саябағы" күрделі жөндеуден өтіп, пайдалануға берілді. Онда велотрек, теннис корты, футбол және баскетбол алаңдары бар. Алдағы уақытта саябақ жастардың басын қосатын орынға айналмақ.



Фото: дереккөз
Загрузка...